Nui’ sunlawinak aanka

nu-ni-sunglawi

Nu pawl cu an mai hringtu nu bangin an rak cang sal theu. Cu cu lem an cannak lakih riahsia um bik a si. Mipa cu an sive lo. Oscar WildeAll

Nua te a suah veten nu timi tawngfang a suak, A hlan hrim hrim ah a umlo. Nunau cu an um konan nu cu a um hrih cuang lo. Nu timi cu a danglam ih a sunglawi zetmi thilthar a si. Rajneesh

Leilung tlunih Sakhuanak tak a rasuahnak cu Nu’ hnenihsin a si ih Pa’ hnen hnakin a tam sawn – Nu hmuahhmuah hnen ihsin a suakmi a si. Kan thlarau hrangih tawh an tanghlum sungah an keng. Oliver Wendell Holmes

Pathian in hmuntinah a mai aiawhtu dingah Nu pawl a tuah. Jewish Proverb

Ka nui’ thlacamnak aw ka mangring ringih cui aw cun in thlun camcin. Ka nunnak in kaihnget a si. Abraham Lincoln

Nu cu kan riahsiatnak kan tuarnatnak le kan ziangkim kan khawlkhawmnak hmun a si. T. DeWitt Talmage

Leilungtlun ih faduh um zet a neithei tu cu Nu lawng an si. Chinese Proverb

A Nu hman a huatu mipa khi pasal dingin vanei hlah, nangmah khal huatnak in a lo cemter ve ding. Jill Bennett

Ziangtivek ih tarva si hman hai khal sehla, a nolai bangin le a cahlai can bangin a fanau thansonak dinghrang a hawl suak ttento. Florida Scott-Maxwell

Leitlun ih thil ummi hmuahhmuah hi rimsia ih siatthluh lai ding va sihman sehla Nu’ duhdawtnak cu a si ve cuanglo ding. James Joyce

Nui’ duhdawtnak cu minung nunnak ih a cangtheilo mi khal tuahthei dingih thangzang petu a si. Marion C. Garretty

Nu cu nauhak pawl ih hmur le thinlung sungih a um mi Pathian a si. William Makepeace Thackery

Nu cun a fanau ih rello mi tiangin a theih sak. Jewish Proverb

Inn ih Nu a um ah cun ziangkim a tluang. Amos Bronson Alcott

Biazai siarbet

Tlangval cun a ngaihzawngnu a duhbik ih, pa pawl khal cun an nupi an duhbik, asinan an Nu duhdawtnak cu a saubik ih rei a daihbik. Irish Proverb

Nu tlamtling cun um awl can a nei thei dah lo. Honore de Balzac

Mipa khi a nui’ a tuahvek cek ci in a suak. Ralph Waldo Emerson

Nui duhdawtnak cu, a cangthei lomi ti cangtheitu siti a si. Marion C. Garretty

Van in ruahhmai siarcawk lo an tla; Khuaibu ah Khuai siarcawk lo an um, Pardum sungah Phengphehlep siar cawk lo an um, Asinan leilungpumpi ah Nu timi cu pakhat lawng an um..~George Cooper

Caan hmuahhmuah pe ih Nu sinak hnatuan cu hnalak ih hlawhman sangbik a si..an hlawhman pekmi cu Duhdawtnak a si. ~Mildred B. Vermont

Aw thlumbik le cem thei lo mi aw umsun cu, Nu, Inn, le Vanram a si…
~William Goldsmith Brown

Leitlun mi hmuahhmuah cuaithlainak ih lehlam ah um in a lehlamah ka nu a mahlawng um hman khal sehla an bukneh lo ding.. ~Lord Langdale (Henry Bickersteth)

Nu cun dai a tihman ah a Angki hlum, le a thuamhnaw umsun thawn a fahning a ti hlum ttheu. ~Ambrose Bierce

Nu na sitikah nangmah lawngin na ruahnakah na um nawn lo. Nu cun thil voi hnih a ruat ttul, pakhatnak a hrang le pahnihnak fanau hrang ~Sophia Loren, Women and Beauty

Nu cun Pa hnakin fanau an duhdawtsawn, ziangruangah tile an mai ta neih vek ih an ruah ruangah a si. ~Aristotle

Nu sinak cu Pathian hnen ihsin mannei nei a siih, zo hmanin aman timal thei le theihtheilo ih ummen thei a si lo…~Helen Hunt Jackson

Ka Nu cu ka thinlungsung ih a cemthei lo mi inhnemtu awnmawi, ka lungawinak, le thil umhnget simthei lo mi a si. A thumal cu ka hngilh men theinan a awthluk cu hngilh theih a si lo. ~Graycie Harmon

Hnawi tithiang in tulhtu, a ttangneem ih in pawm tu, a duhdawtnak ih inhnam tu zo saw an si.. ka Nu lawng a si..~Anne Taylor

Ziangtluk ih mi farah pa a rak hmanah innsang Nu a neih ah cun milian a si.. ~Dan Wilcox

Comments

comments

Comments

%d bloggers like this: