Nu Hmuahhmuah ih theih tulmi

Nu Hmuahhmuah ih theih tulmi

– Mary H.Sui

Pasal nei zo ih fa nei zo pawl hrangah siseh, pasal nei hrih lo fala lai pawl hrangah siseh Numi a si mi poh in theih `tulmi le zir ding `tha ngaingai a si. Nu hi innsungsang ah an thupizet, faale pawl influence theitubik khal nu an si ih, faale thuzirh theitubik khal nu an si. Nu in innsungsang ah thiltitheinak tampi a nei. Nunau an lo ti ruangah na nau hrimhrim lo sokhaw, leitlun ah na thupituk ti thei aw! Thil tampi na tuah theimi a um, nangmah le nangmah kha zum aw hram aw! Confidence (zum awknak) nei aw!

Betsy Holton Moody (Dwight L. Moody ih Nu) cun hitin a ti…

• A fale pawl thinlung a neh.

• A fale pawl thawn ziangkim a tuah thei.

• A fale hmai ah mit-hmai pan te le nuamzet in a um ringring.

• A fale pawl parah a phunzai dah lo.

• A fale pawl thu zirhnak ah Bible a hmang.

• Mi farah pawl a inn ihsin lawngte’n a kirter dah lo.

• A fale pawl kimte’n an um hlan ah an inn sangka cu a khar dah lo.

• Midang pawl ih relsiatnak le donak a ton tikah “Pathian ka rinsan” a ti.

• Nutling a sinak cu a faale pawl `thanso/pitlingnak ding hrangah

`tuanvo a laak `theh.

• Nitin tein a fale pawl Bible thu a zirh.

• A fale pawl hmuahhmuah in a nu hnenih um hi nuam an tibik ih

an ngaibik `theu.

• A fale pawl an itthat hnu ah a tho saal ih a fale pawl hrangah thla a cam sak mheu.

• Taimakzet in a fale pawl hrangah thla a cam.

• Hni siamsi tein ziangkim a tuah.

• A fale pawl thil `tha an hril theinak ding hrangah tha a pek, a zirh.

• A tuahmi hmuahhmuah a `thabik si dingin a tuah.

D.L Moody cun hitin a ti…

• Ka nu hi leitlun ih nu `thabik a si.

• Ka nu hi mifimzet a si.

• Ka nu vek hi leitlun ih nu pawl si thluh sehla thawnginn a `tul lo ding.

• Pathian thlawsuah siar lo ahcun ka nu ih thlawsuah hi a pakhatnak ah ka ret, ka duhbik.

• Thuzirhnak, nunsimnak, thapeknak, ruahnak pek ka `tul tik poh ah

ka nu hnenah ka feh `theu.

• Ka nu vek nu neih hi cu a sunglawituk, a `thatuk.

• Ka nu hi leitlun ah nu `thabik a si.

(Visited 84 times, 1 visits today)

Comments

comments

Comments

%d bloggers like this: