Nu Cung Hnem “Nutling Zohṭhimtlak Nu” Tiin Upatnak CFCDF In Pe

Chin Relief – Rehabilitation and Community Development Foundation pawl cun a fapa pahnih le pawl hrang nunnak thaptu nu ralṭha Nu Cung Hnem cu Zohṭhimtlak Nu tiin upatnak capi le a tanta mi riahsia tuartupawl tohpinak khal an nei.

“A fapa 2, nunnak thaapin meihlio sung a luhhnawhmi, a nunnak a pekmi ruangah zohṭhimtlak Chinnu pakhat nasi tin upatpeknak Capi CFCDF in kan pek’ tiin Falam Municipal Chaiman le CFCDF hotu Pu Dar cun Chinland Today Media hnenah a sim.

Riahsiat pinak le thlakung zonnak hranga MMK Ting2 le an innsak saalnak ding hrangah, Korea camphio kawp 50 khal an pe cih.

Global Chin (Falam) Organisation pawl khalin MMK Ting 3 an pek.

Chin ramkulh acozah in MMK 290000 in riahsiat pinak an rak nei ve zo. Chin Baptist Convention khalin MMK Tawng 50, kheng, mikeukhamnak len 2, pher 3 pawl khal an rak pe.

Chinland Today Help Team khalin an sungkua riahsiat pinak hrang MMK Ting 3 bawmnak pe ding a tum ih bulpak tete pawl ih thawh mi pawl komcihin MMK Ting 10 tluk ngah a si zo.

Bawmnak pe duh hrangah CT Help Team in siseh CFCDF feh tlang in siseh, mah le bulpak cio khalin, mah le theitawk rak thawh cio hram uh.#

Comments

comments

Comments

%d bloggers like this: