North Korea In Tuhnak Tam Nuclear Puah A Tum; Russian In US Ralrinnak A Pe


North Korea cun Leitlun ramtin in an ralthuamtisin mi thu ih an soisel donak pawl cu ziang siar lo in tu hnak ih tamsin an puahter tum bet vivo thu BBC thuthang latu hnen ah an sim.

North Korea Vice Foreign Minister Han Song-Ryol cun zarhtin, thlatin le kumtin in ka tuahsin ding tiin BBC, John Sudworth hnenah a sim.

US Vice president Mike Pence in North Korea pawl ih nuclear thacak an tisinnak thu le an cangvaihnak thu ah ‘thinsaute ih zohthlithlainak caan’ a cem zo tiin South Korea le North Korea ramri awknak Ralkap pawl fehsianlonak timi DMZ hmun ihsin a sim.

A liam cia kum 20 lai ihsin North Korea tlun ih a thinfual theinak caan hi a cem zo. Kan dung lam zarhhnih ah Syria le Afghanistan ih kan canvaihnak ziangtluk thacak a si timi le kan president pa ih a cinfel dan, leiltun mipi pawl in an hmu. Asinan North Korea cun cinfel tullo dingin le kan thacaknak suah tullo dingin a um hrih tiin ralrin peknak le hrinhronak a sim.

Russia pawl cun US ih a celeknak thu ah ralrinnak tlang an rak ausuah pi ve. North Korea in midang zianghman siar lo, nun saisual zet ih Pyongyang Nuclear thacaknak an tisin mi cu kan soisel. Asinan US in cumi ruangah leitlum ramtam huap ih daan pahbal in a duhduh in a cangvai theilo. Syria ram ih a cangvaih dan vek ih a cangvaih ding cu hmuh kan duh lo tiin Russian Foreign Minister Sergei Lavrov cun an khawpi Moscow ih thuthang latupawl ih an thusuhnak ah a sim.

US Vice President Pence cun North Korea hnenah President Donald Trump ih a cangvaih dan ding le a cinfel dan ding thu hi rak teer lo dingin le nuclear thacaknak thu ahcun ‘tuah danding a phunphun pawl cabuai parah retfel a si thluhzo’ ti thu khal khohkhah zet in April 17, 2017 tlangkai nikhat ni ah a sim.

Mr Pence hi South Korea le Asia ram dangdang pawl ah ni 10 sung caam dingin khual a tlawng ding.#

– Agencies News (AFP, AP, BBC)

Comments

comments

Comments

%d bloggers like this: