North Korea Ram Hruaitu Kim A Fala Zuun Tuar

Tulai thuthang ih buaipibik pakhat cu North Korea ram hotu Kim Jong-un a si. Kum ziangmawzat North Korean rak hruaitu a pa Kim Jong-il cu 19 December 2011 ah a thih ih a aiawh ah a fapa Kim Jong-un hi hrilsuak a si. Kim Jong-un ih ramuknak khal a tluang vivo. Asinan, duhdawtnak cu a mit a caw an ti theu mi tifamkim dingah Kim Jong-un hin thubuaizet a nei.

North Korean ram hruaitubik Kim Jong-un hin pasal nei zo minu a ngaizawng ruangah a ram mipi lungphang helhel in a tuah. South Korean mifimpawl cun tui pasal nei zo Hyon Song-wol thawn an rak duhdawtawknak kum reipi a si zo tiah an sim. Hi, a falanu hi hlasak thiam hminthang le nuamnak a phunphun tuahnak hmun ih laam le hlasak thiam zet a si.

Kim Jong-un ih tleirawl lai ah a pa Kim Jong-il in fala neih a rak sian lo ruangah Hyon Song-wol thawn an duhdawtnak cu a pehtlang ngam lo ih Hyon Song-wol cun an ram ralkap bawi pakhat thawn an nei aw ih fate pakhat an nei zo ti a si. Cutin, Hyon Song-wol in a tlangval duhzetmi Kim Jong-un a co ngah lo ruangah mipi hmai ih hlasak ih a larawknak pawl tiang a cawlhsannak a rei zet thlang.

March thla ihsin Kim hrangah a lar aw thok. Tui baihte ahkhan Pyonyang ih International Women’s Day an hmannak ah Kim a tel ding ti a theih veten nasazetin a laam ih vangcung fala bangin a lar aw tikah a tlangval hlun Kim khalin a tuar lo. An duhdawtawknak thuanthu pawl a ko kir salih a um men thei nawn lo.

An pahnih thuthla zingzawitupawl cun an nauhak lai ihsin tlawng an kai tlangih an rak duhawk zet tiah an sim. Asinan Kim ih pa in fala neih a sian lo ruangah an duhdawtnak lamzin a rak pit ter tin an sim. Kum 10 sung lenglo duhdawtnak lamzin ah an feh tlang dingih zum an si. An sentet lai ih duhdawtnak cu a thupte ih fehpi an tum ruangah an thuhla hin leitlun mipipawl dawksang ter dingah a tuah. Hyon Song-wol thawn an thluah aw nasa ih Kim ih office kainak le rorelnak pawl khal a rak bawm theu.

Hyon Song-wol hi hla sak le a laam tikah cartoon angki a hruk theu. Kim nauhak lai ah nitinten a pa in cartoon zuknung a zohpi theu. Curuangah a fala Hyon Song-wol hi cartoon lem vekih a tuahawk tikah a hngilh tumnak khal a pitlin thei lo ih fate pakhat a neih zo hnu khalah a duh thotho. Kim ih lungbuai hin a mipipawl a aihal ter zet fawn.

(Visited 328 times, 1 visits today)

Comments

comments

One Comment

  1. Rel ding a har nasa nain duhdawtnak hi a mak ve hokhaw thil cang thei mi si ko.

Comments

%d bloggers like this: