North Korea Ram Ah Pam Thleng, Mai fate Sa Eitu Um

Millions Suffer From Malnourishment In North KoreaAsia Press,  Sunday Times: North Korea ramsung ih Pariah ramthen ihsin thuthup theih dan vek in, N. Korea ram ah pam nasa zet a tlung ih, mai fate eitu rori khal an um thu Asia Press le Sunday Times cun a tarlang asi. South Hwanghaw ihsin thutheih dan ah cun, “May khua ah nupa an um ih, fate 2 neitu cun a fate a that.

A fanu upa sawn a that laitak cu a fapa in a hmuh tik ah a au ih, a fapa khal cu a that hngal. Cun, an nu ratlung cu “Tuizan cu  sa ei ding kan nei” ti in a fate pawl ih sa cu a hun. An nu cun a ngaih a thatlo ruangah palik pawl hnen ah a sim ih, palik pawl in an zohfiah hnu ah an fate 2 ih taksa thenkhat khal cu an hmusal” ti tarlang asi.

Thuthang lakhawmtu pakhat Gu Gwang cun, “Pa pakhat khal in ei ding nei nawnlo ruangah a tu pa a that ih, a sa a ei” tiin a rel. Choungdan khua khal ah ei ding neilo ruang ih mai fate sa eitu pa pakhat kaih asi thu Korean Workers Party ih zung pakhat ihsin thutheih asi.

(Visited 71 times, 1 visits today)

Comments

comments

Comments

%d bloggers like this: