North Korea In Leitlun Ih Nuclear Thacakbik A Puaksin Ter

April 23, 2016 ih a rak puak ter mi...

April 23, 2016 ih a rak puak ter mi…

North Korea cun tuisun ah nuclear puaksin ternak a nei. Tuitum ih a neih mihi leitlun ih nuclear thacaknak tisinnak ih tuumbik a si ding tiah an ti. Leitlun ramtamhuap hruaitu pawl thin a ti heng zet.

Tuitum ih an puaksin ter mi hi North Korea ih a veinga tipuak sinnak a siih tuikum sungih a vei hnih puah ternak a si. Hi tiih a puakter mi ah South Korea, Japan, China le US pawl in nasa ngaiten an soisel.

UN in hivek ih nuclear thacaknak tipuak sinnnak neih ding hi a kham mi a si nan, zianghman ah a siarsak lo. Nuclear thacaknak a rak puakter ruangah 2006 ihsin UN in a ramsungih bawmnak pek ding mi le thutul dang pawl ah khamnak a rak pek.

Tui netabik ih an tipuak ter mi hi an Rampi Ni sunlawihnak ih an puak ter mi a si. A puaknak in leilung a tlir hi a caklam 5.3 tluk ih pin in a hnin ter. Hi an puakternak hmun hi leihnuai nuclear an tuahnak hmun Punggye-ri timi kiang ah a si tiah theih a si.

An nuclear tipuak mi hi a rih lam 20 kilotonnes tluk a si ding zum a um tiah mithiamsang pawl cun an sim. US in 1945 kum ih Hiroshima a rak den puak nak ih a thlak mi bomb rih lamkha 15 kilotonnes a si.#

  • Agencies

Comments

comments

Comments

%d bloggers like this: