North Korea Leh South Korea Karlak Boruak A Sezet

164782_184154651611131_152497481443515_642072_2619753_nPu Sum

Relzo vekin North Korea in Nuclear ralthuam hmangih kapse thluhdingih a hro mi a ram In hnen South Korea leh  South Korea ih rualpitha US ram pawlih  karlak boruakcu a sezet ih, tuah North Korea ralkap leh South Korea ram ralkap pawlcu do awk manin an ram pahnih ramri tluanah  kahawk manin umhmun an khuar thluh veveo zo.

Himi laiah US khalin South Korea a bawm dingthu a simzoih,  US in South Korea ramah raldo nak vanzam Nuclear ralthuam phurthei B-52  leh ralkap 28.000 cu South Korea ram sungah a retlut zoih, mizan sunah khan Japan ihsin raldo nak Vanzam F-22 pawlkhal  South Korea ramsungah an zuanglut tersal ih US hin  a ralthuam leh a ralkap pawlhi South Korea ram sungah a kuat rero zoih, Japan ram khalah  ralkap 30.000 leh raldo nak lawngpi  raldo nak Vanzam tamzet phurtheitu Aircruf Carrier lawngpi pawl a ret thluhzo, hi ruangah ram pahnih karlak boruak hi a sezet ih zoveve khalin dungsip an tum duh veve silo ruangah  an dinhmun hi  tihnung zet  dinhmun ah an ding tiah  an tarlang.

South Korea President, Park Geun-Hye in an ram Defence Ministry hotu pawlih hnenih mizan sunih a simnakah North Korea in-inkap hmaisa a si ah cun South Korea khalin an duhhnakih na in kan kapcih ve dingih  South Korea ram leh mipi humhim nakah  South Korea Cozah in rinsan awknak a neitawk tiah a sim.North Korea in ralthuam hmangdingih South Korea a hro nakhi South Korea cun a ngai pawimawh zetih himi do let nak dingah South Korea Cozah cun zohman suh leh rawn khal a tumlo tiah a sim.

Tihni sunah khan  North Korea  ram hotulu Central Committee khal an to khawmih UN in Nuclear ralthuam thu ruangih hremnak a pekmi an lungawilo ruangah an ram humhim nak dingah  Nuclear ralthuam tuahbet sinsin an tumthu an relih, mizan sunah khan North Korea Parliament Supreme Peaple’s Assembly khal  an to khawm lehsalih South Korea leh America pawl thawi an karlak boruak thubuai an relkawmih ziangthu an rel timi theihfiang nak a um hrihlo.

(Visited 97 times, 1 visits today)

Comments

comments

Comments

%d bloggers like this: