North Korea In US Thawn Biakawknak Nei Duh

North Korea

SEOUL ( Reuters ) : North Korea cun, US le South Korea ram pawl thawn thu reltlangnak neih a duhthu a tarlang ih, US in a khuahkhirhnak ( Sanctions ) pawl thuhla khal ah hi ram 2 pawl thawn reltlang dingin a man ih doawknak le biakawknak cu tumkhat ah a fehtlang theilo ding asi tiin North Korea ram ihsin ra mi thuthang cun a tarlang. Cumi thuthawn pehpar in US cozah cun North Korea hnen ah, “Nuclear ralthuam a tuahnak le cumi hmang ih mi a hringhronak pawl a tuah nawnlo asi le biakawknak kan nei ding” tiin thusuah an tuah ve.

North Korea lam cun, US cozah hnen ah cun, North Korea kahnak ding le ralrinnak ih a retmi ralthuam pawl khal lasa dingin ngennak a nei ve. North Korea National Defence Commission cun KCNA News hmangih a sim nak ah cun, “Kan mipi kahtumnak cu US le South Korea in an rehter ih an lasal theh asi ah cun biakawknak hi a um ding. Anmah ram 2 ih thutitluknak ah a thumaw asi” tiin a tarlang. White House spokesman Josh Earnest cun, “Tuihlan ihsin kan hmuh dahlo mi North Korea hnen ihsin hmuh kan duh. Nuclear a tuah tumnak pawl ihsin a hnukdawkawknak cu kan hmu duh zet” tiin asim.

Comments

comments

One Comment

  1. Thuthang na ngan tha thei nasa CT cingcing.

Comments

%d bloggers like this: