North Korea In Medium Range-Missile A Kapsuak Asi Ah Cun A Thalo Ding, John Kerry

U.S. Secretary of State John Kerry delivers remarks to U.S. embassy staff at a "Meet and Greet" session shortly before leaving Seoul

SEOUL ( Reuters ) : US Secretary of State John Kerry cun, April 12 sun ih South Korea a tlawn lai ah thusimnak a nei ih, North Korea in tu ih an kahsuah tummi Medium Range-Missile an kapsuak asi ah cun, US cu a lungawi lo ding tiin asim. Kerry cun, North Korea thawn tuantlang zettu China ram hnen ah cun, tu ih North Korea ih thil tuahmi a thalo ti theithiamin, Nuclear ralthuam an tuahmi par ah anih khalin zohmen lo in a tuldan ih zirin kham dingah a ngen. Cumi hnu ah, North Korea thawn nuclear thu reltlang a duhthu khal asim. US in a hnatuanpi ram harsatnak a tuar ah cun a zohmen lo ding thukhal asim bet.

Kerry cun, “North Korea in nuclear a puakter ngaingai asi ah cun, ziang a thleng ding ti khal a ( Kim Jong-un ) theihthiam ve a tul zet, a theih khal a theifiang ko ding. Thil thalo a tuah vivo asi ah cun, leitlun pawlkom ( International Community ) pawl zianghman ah a siarlo ti khal a langter tinak asi ding. Nuclear a hmang asi ah cun, a ram mipi harsa zet pawl ziang an cang ding ih, amai minung pawl harasatnak a pe tikhal a ruah a tul” tiin asim. A ralai ding mi zarh ih Tlawngkai Nikhat ni khi, North Korea founder Kim II Sung ih suahcam lawmnak cu North Korea in neih a tum ih, cumi ni ah ralthuam a hmang tum tiin zum asi.  John Kerry hin South Korea ihsin China le Japan ah feh vivo ding asi.

Comments

comments

Comments

%d bloggers like this: