North Korea In An Ram Feh Dan Thleng A Tum Lo

BBC, VOA | January 19

US, Japan, leh South Korea ram aiawh tu pawlcu  Washington khawpi ah  North Korea Nuclear ralthuam thuhla relkhawmin an tongaw ih,  hi ram  3 aiawhtu pawlcun North Korea khal Nuclear ralthuam thuhla relkawhm nakah lamzin a ongaw thleng dingih an zumthu an sim.

North Korea Cozah hi kum 2009 ihsin Nuclear ralthuam thuhla relkhawm nak US, Japan, South Korea, China, leh Russia pawl hnenah a telduh nawnlo ih, asinan tu ah cun  Nuclear ralthuam thuhla relkhawm nak leh US, Japan, South Korea pawl thawi an karlak boruak relrem dingih an telduh thlang an beisei.

Relzo vekin North Korea ram Lalpa, Kim Jong-iL a thih ihsin an ramhi ziangvekin a fehding tihi theih cu a silo nan

a aiawhtu Kim Jong Un ih hruai nakah ram dangthawi an pehtlaih awknak a thatdeuhdingih zumnak a um laiah  North Korea ramih rorel nak sangbik  Supreme People Assembly ih an Vice President, Yang Hyong Sop cun  an ram hruaitu thar Kim Jong Un  cu ralkap kilkhawi dan leh ukdan khalah an ram sumpai dinhmun leh an ram mipi a hruai nakah a pai duhdan rak pawmih rak thlun ringringtu a si ruangah  a pai North Korea rampi a rak hruaidan tidang lam lo dingih a duhthu a sim.

Comments

comments

Comments

%d bloggers like this: