North Korea Cun Kapsuak Mai Ding Ih A Retmi Missile Lakir Sal

download

WASHINGTON ( Reuters , BBC ) : North Korea ram cun, kapsuak mai ding ih an retmi Musudan Missile cu an retnak hmun ihsin an lakir sal tiin Reuter le BBC thuthang cun an tarlang. South Korea le North Korea karlak ah, kapaw ding mai ih ralringin khatlam le khatlam an um ih, North Korea hin a lakkir sal m Musudan Missile hi South Korea thawn an ramri ihsin nainak ah an ret. Hi Missile hi an kap ngaingai asi ah cun, 3,000-3,500 Km tiang a kap ban.

Missile an laksalnak thu ah, US cun thuthangtha asi tiin a puang. North Korea in an ram dintu suahcam an lawm tum ah, Missile hi kapsuak mai dingin an rel ih, cumi an kapsuak asi ah cun a thalo ding tiin John Kerry, US Secretary of State cun a rak sim dah. US Official, Daniel Russel, the senior director for Asian affairs at the National Security Council cun, “North Korea ihsin kan theihmi thu cu thuthangtha ngaingai asi” tiin asim.

Comments

comments

Comments

%d bloggers like this: