North Korea Cun An Ram Dintu Ih Suahcam Lawmnak Nei, US Le North korea Biakawk US Man Ringring, John Kerry

download

SEOUL ( Reuters ) : North Korea cun, an ram rak dintu an pa bik, Kim II-Sung ih suahcam, kum 101 nak cu April 15, 2013 ah an ram ah hlunghlai zet in lawmnak an nei. Kim II – Sung hi 1912 ah asuak ih, 1948 ah North Korea hi a rak dinsuak. Cumi theh ah, Korean War a ra suak ih, cutawk khal ih North Korea rak hruaitu le rak hotu asi. Kum 1994 kum ah a thi ih, a thih hnu in a fapa Kim Jong -il in a ia  run awh.

UN in khuahkhirhnak a nak ruang ih lungawilonak ah, North Korea cun US, South Korea le Japan pawl cu do dingin a hringhro rero timi cu tulai thuthang larzetmi asi. A tir lama h cun, an ram hruaitu le dintu ih suahcam an lawm ni ah, Missile kahsuahnak an nei ding tiih zumnak a rak um nan, an kapsuak lo ding tiin South Korea Defence Ministry ihsin thusuak cun a tarlang.

John Kerry

Ministry spokesman Kim Min-seok cun, “Kim II-sung ih suahcam lawmnak ni ah Nirth Korea cun missile a kapsuak lo ding. Asinan, South Korea cun North Korea ih cangvaihnak cu a thlingthla ringring ih, a ralring ringring” tiin asim. Mi tamtak ih zumnak ah cun, North Korea hin raldo ngaingai cu a ngam lo ding.

Ziangruangah hitin US le South Korea a hring rero timi an zoh tik ah, US le North Korea in biakawknak tha an neih ih, UN ih khuahlhirhnak ( Sanction ) a tuahmi pawl khal a phelhnak ding duh ah asi tiin mi hrekkhat ruahnak ah cun a um. John Kerry japan a tlawn lai ih a thusimmi ah, “US cun North Korea thawn thu reltlang dingin a man ringirng asi. Asinan, a thupi sawn cu North Korea lam hi an si” tiin asim ve.

 

Comments

comments

One Comment

Comments

%d bloggers like this: