North Korea Ah AP Thuthang Hmunpi Awnnak Nei

AP, VOA | January 20

Leitlun ram tintian ihsin an rak thlir theumi AP (The Associated Press) thuthang organization cun North Korea khawpi, Pyongyang  ah January 16, tlawngkaini khat ah AP thuthang hmunpi a veikhatnak hrangah awnnak an neih thu theih a si.

Hi thuthang hmunpi ihsin Korea thuthang, mipi nuntukhawsak daan le an ram thu le hla pawl cu zalen zet in zuk le zuknung pawl thawn AP ah an tarlang thei ding thu AP President le CEO Tom Curley cun a rel. Tom Curley cun an thuthang hmunpi an awn tharmi cu ram dang dang ih an thuthang hmunpi pawl thawn tangrual in peng pakhat vek ih hnatuannak ah hman a si ding thu khal a rel tel bet.

Asinan North Korea cozah cun media dang palai pawl cu zalen zet ih North Korea ah hna an tuan a siang ngaingai hrih lo ih cuvek lai ihsin kum 2006 ah AP thuthang organization cun North Korea ah zuknung thuthang hmun tenau pakhat an rak awng zo a si. AP thuthang hmunpi tilo cu thuthang hmunpi dang felfai ngaingai a um thei hrih lo.

AP President le CEO Tom Curley le AP executive member pawl cun awnnak puai cu hoha in ropi zet in an nei ih Tom Curley cun mipi fehkhawmtu pawl hnenah, “ Hivek ih AP thuthang hmunpi kan awn thei hi leitlun mipi hrangah cun hlawknak tampi a si ding ih a hleice in North Korea mipi hrangah an ram sung thuthang tampi cu AP hmang in an zoh thei thlang ding. Pyongyan ah maw Pennsylvania ah na suak ti lam a thupilo, a thupi mi sawn cu kan lailak ah lilawn kan dawn thei zo hi a si.” tiah a sim. Tom cun mipi le AP executive member pawl hnenah hi AP hmunpi thar an awnmi cu leitlun hmun dangdang ih AP hmunpi vek in standard nei zet in zohkhen ding khal ah fawrhfial nak a nei bet.

Curley cun, “ The Democratic People’s Republic of Korea (DPRK) sung thu cu leitlun mipi in an thei tam lo ih tuahcun AP hnenah leitlun mipi hnenih DPRK thuhla theih ter theinak pek a si zo. Leitlun mipi in an theih dah lo mi pawl kan pholang thlang ding.” tiah uar zet in a rel tel bet. AP organization cun ram 100 ah AP thuthang hmunpi an nei ih leitlun hmun dangdang ah palai 2500 lenglo an nei a si.

(Visited 35 times, 1 visits today)

Comments

comments

Comments

%d bloggers like this: