Noble Peace Prize hmu thei ding dinhmun ah Barak le Sarkozy um

Tuikum sungih Noble Peace Prize hrangih hmin tel mi 205 lakah US President Barack Obama le France President Sarkozy khal an um ve.

Geir Lundestad, Noble Institue ih ho tulu bik cun mi 205 ih hmin pawl ngah zo a siih, hi pawl lakah pawlkom 33 pawl khal an tel tiin a sim.

‘Tui kum hi hminsin pakhat’ kum 2005, zuam awk mi-mi 199 hnak ih tam a lan kum  a si a ti bet.

Noble Prize hrangih a hmin an pek mi (nominee) pawl hi tilan an si dah lo ih kum 50 sung thup sak an si.

Obama le Sarkozy cu hmin list ah an um ti a fiang.
Noble hrang ah mi thawglenglo in hmin pek luh theinak an nei. Cui pawl cu, Leitlun pum huap Parliament ih rorel, phunsang cazirhtu (professor), International institute ih zirhtu saya rak ttuan pawl khal pek lut theih an si. Noble committee sugih rorel pawl khal an tel thiang ve.

A ngah tu ih hmin hi October thla sungah puan an si dingih cawimawinak le lawmman cu December 10 ah pek an si ding.

Kan dungkum ih Noble Peace Prize a ngahtu cu Finnish ih President rak ttuan dah zo tu Martti Ahtisaari a si. 

 

Comments

comments

Comments

%d bloggers like this: