NLD Party Mangtha

https://i2.wp.com/newsimg.bbc.co.uk/media/images/44134000/jpg/_44134877_nld_afp416.jpg?resize=339%2C244The Independent | AFP | AP

Kum 21 sung Kawlram mipi zalennak an neih theinak dingih hma rak sial rero tu NLD party pawl cun an lungthli tum leh saduh thah ti kim man hrih lo in an party cu cem lam a pan vivo.

Ralkap mi uk acozah ih daan bulhram pi an tuahmi cu a thiang hlim in a dik lo tih an ti lawng si lo in an hruaitu lu bik Aung San Suu Kyi hrilawknak ih tel siang lo dingih daan bulhram an tuah ruangah NLD party cun tuikum hrilawknak dingih telding hrang hmin pek ding cu duh lo in tuikum hrilawknak an duhlonak le an pomlo nak an langter.

‘NLD party cu a nung mi party a si nawn lo, a sinan kan tih lo, riahsia hlah uh ni khat ni ni ahcun kan dingsuak sal ding tiin an party hruaitu Tin Oo cun a sim. Asinan NLD party hminsinnak ih an hman mi puan rongsen, arsi  le vate zuk pawl an zung (office) tlun ih an tar mi pawl khal bal an tum lo. Thuneitu pawl in an tuahdingmi tuah hai seh kan tuahdingmi  kan tuanvo a si lo tiin Win Tin Kawlram ih ramthukhel ruangih kum 19 sung thawngtla, kawlram ramthukhel ih thawngtla reibik cun a sim.

NLD party cun hmun le hma office nei lo in um hman khal hai sehla Kawlram ih thawngtla mi 2100 lenglo pawl hnen ih an hnatuannak, fimthiam an zirhnak, harh damnak lam le sum pai ih an bawm pawl cu cawlh san an tum cuang lo. “ Asinan ramthukhelnak lam cu zianghman kan tuah lo ding’ tiin Tin Oo cun ralring zet in a sim. ‘Thuneitu pawl thawi theithiam awklo nak ding lak ihsin kan ralring a si’ ti khal cun a sim bet. Kan hlan thuanthu 1980 kum ihsin kan zohtik ahcun mitthli cu a luang tin Win Tin cun a sim. A hlanahcun kan sungtel simi cun card an neinan tu ahcun an thinlung le an thluak in kan lam tang an si tiin a sim bet.

Tui kum hrilawknak ding cu October lole November thla sungih neihdingin zumnak a um nan thleng awknak ding mipi hnen ih a thlen dingcu zum a um lo. Kan dung kar ih Prime Minister Thein Sein le cabinet minister mi 22 lenglo an hna an cawlhsan mi khal in ralkap miuk ih a thiltum mi danglam a nei ti cu a lang ter.

Tui kum hrilawknak ding hrang ih an daan tuahmi cun rorel innpi ah ralkap pawl hrangah hmun canvo zatek 25 hamsak si cia dingin nemhnget mi a si. Cu ruangah tuikum ih hrilawknak an tuahtum mi cu ralkap uknak cu upadi le daan bul hrampi pawl thawi a remcang mi ukawknak ih canter an duh ruangah a si, mipi thawi thuneihnak hlawmawk an duh ruangah a si lo ti in Kawlram thu ruatthiam Bertil Lintner cun a sim.

Kawlram zalennak hrangih nunnak, thazaang, thlan ti, sum saw, neih mi hmuahhmuah ih a rak sual rero tu NLD party cu May 6 ni ihsin Mangtha tiin Kawlram hrilawknak ahcun a um hrih ding.

(Visited 62 times, 1 visits today)

Comments

comments

Comments

%d bloggers like this: