NLD Party : Legal Party A Si Zo

Irrawaddy, BBC, BDC | January 6

Kawlram ih Election Commissioner lam thuneitu pawl cun Awng San Suu Kyi ih kaihhruaimi NLD party cu lailak hrilawknak ih an tel theinak ding ah daan vek in an party cu an tel thei vek thlang ding thu January 5, tlawngkainili ni ah an phuang.

NLD party cun Election Commisioner thuneitu pawl in an party an pawmsak zo ruangah January 9, tlawngkainikhat ihsin an party zung(office) felfai te ih awnnak an neih ding thu le an party ih tel duhtu pawl an dawngsawng thlang ding thu an party thusimtu U Ngian Win in a rel.

U Ngian Win cun, “Tuni(January 5) ah Yangon ih Election Commissioner thuneitu pawl in, in kawhnak vek in ka feh ih kan party cu daan vek ih hrilawknak ah kan telthei ding thu le kan party cu Legal party ih an rak dawngsawng thu in sim. Kan register tuahnak nambat cu ahmat kah 47/2012 a si. Kan party in kan hman tum mi kan seal le kan thantar pawl khal an lungkim thu in sim tel” tiah a rel bet.

NLD general secretary Awng San Suu Kyi cun lailak hrilawknak ah Kaw-Hmu ihsin tel a tum ih January 16 ihsin ramsung hmun dangdang ah veivak in an party hrangah mipi hnenih an thurin pawl sim phah in mipi hawikhawm a tum thu khal U Ngian Win cun a rel tel bet.

NLD party cun Kawlram in April thla ih lailak hrilawknak a neih dingmi ah hrilawknak hmun 48 ah an palai, hrilawknak ih NLD party aiawhtu ding pawl cu an tel ding a si.

(Visited 51 times, 1 visits today)

Comments

comments

One Comment

  1. Kan Kawl Ram thu thang a tha lam a pan, a si nan Kawl Ral Kap pawl hi cu ka zum ngam lo, Aa Na – an duh tuk kawh, ziang a bang leh ke ti, ruat cia ngam hlah ing ee.

Comments

%d bloggers like this: