NLD Party Ah CEC Um Nawn Lo Ding!

BDC | January 8

NLD Part cun register an tuah theh felfai ngaingai a si ah cun an party tuaitharnak an nei ding i cu’i tuaitharnak an neih ding mi ah Central Excutive Committee (CEC) a um nawn lo ding thu le NLD cu normal(punghman) tak ih din a si ding thu NLD hruaitu pakhat U Tin Oo cun a rel.

“Hruaitulubik pakhat alwng a um ding ih a dang hmuahhmuah cu member thluh kan si mai. Council deuh vek in a si tinak sibik cu. Thangthar, ram hrangih pumpeaw ngaingai tam zet le minu tamzet khal an tel ding. Thaisun ah kimcang ih rel fel leh a si ding.” tiah a rel.

NLD thuneitu lam cun Kawlram ih lailak hrilawknak ah NLD part hrangih mirinum zet pawl, fimthiamnak nei, hnatuannak khal ih experience nei tam pawl, daiyinta pawl, thangthar pawl le minu pawl cu NLD party hrangih hrilawknak ah teltu si ding in a bik ih ruat an tum thu an rel.

Cuvek lak ah NLD in an suah ding mi ‘D-Wave’ magazine te khal U Win Tin ih hohanak in tawlrel a si rero zo ih NLD party lenglam ihsin biazai le nunthuleng nganthiam pawl in cahram le biazai thatha thawn an bawm ding a si.

‘D-Wave’ cu a hlan ah ‘Democracy Wave’ tiih hmin rak pek a si nan ‘D-Wave’ tiah sullam nei deuh le tawi famkim sawn ih kawh a si leh. NLD party cun Kawlram lailak hrilawknak hrangah timlamnak a phunphun an nei rero zo ih nehnak co ding in theitawk ih tan an lak ding ruangah party dang pawl hrangah cun huphurh um zet cu a si hrimhrim.

(Visited 34 times, 1 visits today)

Comments

comments

Comments

%d bloggers like this: