NLD in Nay Pay Taw ih Mipi Hmuhdan Lakkhawmnak A Tuahmi ah Zatek 88 in Daan Hrampi Rem Ding Pompi

1474578_619386584785296_462025280_n
Nay Pay Taw, November 18: Tuini ih NLD in Nay Pay Taw ih mipi hmuhdan lakkhawmnak a tuah mi ah a ra suaktu mipi ih zatek 88 in 2008 Daan Hrampi cu remsal ding in an duh tiah theih a si.

Nay Pay Taw pengpi, Zabuthiry peng, Letpankhahla khua ih an tuah mi, 2008 Daan Hrampi rem ding le a thar ngan sal ding thuhla ih mipi hmuhdan lakkhawmnak ahhin Yangon le hmun dangdang ih a ratupawl thwn mipi 25,000 lenglo an tel. Mipi zatek 88 in remsal ding an lungkim ih, zatek 8 in a thar ih ngan an duh. A tang mi cu hmuhdan pe lo pawl an si. Mipi hmuhdan hi thusuhnak in siseh, lungkimnak ih kut tun in siseh an lak mi a si.

Tui tum mipi hmuhdan lakkhawmnak ahhin NLD hohatu Pi Aung San Suu Kyi khal tel in thucah a sim. NLD hin mipi hmuhdan lakkhawmnak hi December 15 tiang a tuah ding tiah theih a si.

Ref: Irrawady Burmese Version

Kianghrol Hmingte

(Visited 226 times, 1 visits today)

Comments

comments

Comments

%d bloggers like this: