NLD In ‘D Wave” Ca(Sa Sawng) Pho Suak

VOA, Irrawaddy | January 17

Kawlram ih oppositon party ropi bik NLD party cun ‘Democratic Wave’ timi ca(Sa Sawng) cu January 16, tlawngkaini khatni ah mipi siar theih in an pholang a si.

NLD cun an ca phosuahnak san cu NLD in mipi hrangah ziang a tuah tile NLD ih thuken le suangbawl awk daan pawl kim can zet in mipi in an theihtheinak ding a si thu editor Mon Ywa Aung Shin in a rel.  “ D Wave cu zarhkhat ah veihnih suah a si ding ih mipi hip thei ding in Journal vek ih suah a si hrih ding.” tiah

Mon Ywa Aung Shin cun rel bet.  HI ‘D Wave’ ca sungah cun Suu Kyi in Yangon, Kaw-Hmu Township ihsin lailak-hrilawknak ah tel a tum thu, ramthukhel ruangih thawngtla tam zet  suah zalen an si thu, thawngtla pawl in Kawlram cozah an hmuh daan le article a phunphun a um ding a si. NLD Party chairperson, Awng San Suu Kyi cun, “  Hi ca kan suahmi in NLD party le Kawlram mipi cu a nelawk ter ding ih Kawlram cozah le NLD party khal rualremnak thawn an feh tlang vivo thei ka beisei.” tiah a rel.

NLD ih suahmi ‘D Wave’ cu phek 24 a si ih a man ah 200ks a sinan mipi leiduh an tamtuk ruangah 400 ih zuartu khal an um thu theih a si. “ Ca dawr le thuthangca zuarnak hmunah khal zing khat te ah a cem thluh ih mipi in an duhtuk.” ti ah dawr neitu pakhat in a rel.

NLD party cun lailak-hrilawknak a naih vivo ruangah a phunphun in cangvaihnak an nei tan rero zoih hmailam khal ah mipi in an party an ngainat thei vivo nak ding cu an ti vivo ding a si.

(Visited 32 times, 1 visits today)

Comments

comments

Comments

%d bloggers like this: