NLD In Baa-Han Township Ah Zung(Office) Thar Awng

BDC | January 12

Suu Kyi In Hri Cepcat Lai

Kawlram mipi in beiseinak thawn an thlirmi le ram remthatnak ding thu khal ih an rinsan zet mi NLD(National League For Democracy) party cun January 11, tlawngkaini thum ah Kawlram khawpi hlun,Yangon, Ba-Han Township ah an party in Kawlram mipi hrangah cak sin ih hna an tuan theinak ding ah zung(office) thar an awng.

Hi zung(office) thar cu NLD in Yangon ih an Party hrang zung(office) cuanghmuar deuh ih an awn theimi umsun le hmaisabik a si ih  Suu Kyi in awnnak hrangah hri a cepcat ih mipi fehkhawmtu 1000 lenglo hnenah thucah tawi simnak khal a neih cih a si.

Suu Kyi cun, “ Kawlram pumpi ih ukawkdaan hi mipi duhdaan ih a feh theinak ding ah hi zung hi kan awng a si bik. Mipi khal in kan hna tuannak ding ah in bawm a tul ding. Mipi bawmnak tel lo cun ziang hman ti pitlin taktak thei kan nei zik lo. Kawlram mipi ih hmailam caan hmuahhmuah hrang khal ih in rinsan ding hi kan duh a si.” tiah mipi feh khawmtu pawl hnenah a sim.

U-ka-thah U Tin Oo khal in ramthukhel ruangih thawngtla pawl upatnak a pek ih an party hrangih hnatuannak ah phurzet le fimkhur zet ih tuan ding ah le bawm cio dingah fehkhawmtu pawl fawrhfialnak a nei bet.

(Visited 34 times, 1 visits today)

Comments

comments

Comments

%d bloggers like this: