NLD hotu Daw Aung San Suh kyi Mandalay le Sagaing A feh

NLD hotubik Daw Aung San Su kyi cu Madalay ah vote tu ding mipi hnenah nasaten thusimnak a nei. Atuah dan kelte sii a eimi a ei tlai deuh ruangah Yangon ihsin Mandalay Vanzam a tonakah a lu a zing deuh. Mawtaw parah ruahsur deuh thawn dam lo deuh in a um ti a si.
Madalay mipipawl kan lo rinsan ti thu a sim. Minung tawr le seng in an rak hmuak.

Sagaing a feh tikah mipi tingtel in an rak hmuak. Mipi tingtel in hmuak hman sehla a cozah lam thuneitu ihsin cu mi tampi pumkhawm theinak bualrawn ah thusim theinak an pek lo ih hlei ah a cozah hnatuanpawl khal zarhpi ni tiang in zung kai ding an fial. Sihmansehla Irawwady vutnel lak ah thusimnak hmun an ngah ih minung ting khat ihsin ting hnih tluk an pumkhawm.

Kawlram mipi kan harhdam asile hmailam hrangah thathnemnak kan tuah thei ding tiah harhdamnak ih a thupitzia a sim. Cuaruangah a cozah khal hi harhdamnak thupi tuk in ret in hmailam ah hna kan tuan theinak dingah NLD vote rak pe hram uh tiah ngennak nasatak a nei. Daw Aung San Su Kyi hmuaktu an tam tuk ruangah Sagaing lilawn thar ah lamzin a pit (jam) ttheh. Curuangah a zamrang theibik thlen theinak lamzin zawh in an feh sal tiah a hnen ih fehtu NLD party mi pakhat in a sim. DawAung San Sukyi cu tu ah Madalay hotel pakhat a cawl hahdam ih thaizing ihsin Madalay kiangkap khua pawl ah nasaten lamtang sawmnak (sizungzi) tuah in a feh vivo ding.

VOA,BBC
(Visited 43 times, 1 visits today)

Comments

comments

Comments

%d bloggers like this: