NLD Aiawhtu Pawl In Kawh-Mu Ah Mipi Vehvai

Myanmary News Hub | January 28

NLD party thuneitu thenkhat pawl cun January 27, tlawngkaini nga ah Suu Kyi in lailak-hrilawknak  ih a telnak ding hmu Yangon, Kawh-mu Township ah Suu Kyi thupek vekin mipi vehvainak (campaign) an nei.

NLD aiawhtu pawl cun Suu Kyi in lailak-hrilawknak ih a telnak ding hmun Yangon, Kawh-mu Township ih khua 11 ah feh in lailak-hrilawknak hrangah mipi an vehvai ih mipi 100 lenglo in lungawi soparte’n an rak hmuak asi.

“ Suu Kyi a tello cing hman in mipi 100 lenglo in inrak hmuak cu kan lungawi in kan tha a tho zet.” tiah a hmun ih fehvetu Ko Ngi Ngi U in a rel.

Kawh-mu tuanvoneitu 100 lenglo in NLD aiawhtu pawl cu keihnihnei (bike) thawn kulh phah in khua 11 pawl ah an fehpi thu khal a rel.  Kawh-mu cu thansohnak lam ih hmasawnnak neilo zet khua a sivek in Suu Kyi cu an beiseinak bik a si ih hi hmun ih Suu Kyi in lailak-hrilawknak ih a tel ding cu mipi in an lungawi in an tha khal a tho zet a si.

“Kan fehnak hmun thenkhat ah cun thu tla tampi in rak sut. Kum 1990 ih hrilawknak ah vote an pek thu an sim ih an vote pawl khawiah an um thluh ti tla in sut.” tiah Ko Ngi Ngi U in a tel bet.

Hi hmun ah Cian-Phuan Party cun lamzin tuah thatnak, lamzin meisa vannak pawl tuahsak le sumpai cawih ternak pawl cu lailak-hrilawknak hrangah tanlaknak vek ih an hman thu thutheitu in NLD aiawhtu pawl hnenah a sim.

NLD cun mipi hnenah tukamnak zianghman an tuah ve lo nan NLD cun an ti ding awm le an tul pawl an mipi hrang an ti in an tuan ding thu an rel. Suu Kyi cun Febuary 29 ah Tanin-tayi Division, Tha-way Township ih a lang in mipi vehvainak a nei leh ding ih NLD hruaitu pakhat, U Tin Oo khal in tu’ini January 28, tlawngkaini ruk ah Pe-khu, Than-ta-pin, Ut-dwin, le Cauh-ta-da pawl ah NLD in lailak-hrilawknak hrangih mipi vote an ngah theinak ding ah vehvainak a nei ve ding a si.

(Visited 41 times, 1 visits today)

Comments

comments

Comments

%d bloggers like this: