Nitlang Dawitu

August 25

Tlawngkai Nithum 

 Nitlang Dawitu 

Siar:

Thusimtu 2:1-11 

Ka mit in thil ttha a hmuhmi hmuahhmuah ka ngah ttheh. Ka thinlung nomnak ka ngah ih cumi cu ka ttuan man ka ngahmi laksawng a si.   – Thusimtu 2:10 

Kumkhat Sung Baibal:

–   Saam 119:1-88

–   I Korin. 7:20-40 

Diana le Dave tei’ pahnih cu nikhua tthat caan ah tili parih Jet skis to an duhzet. Asinan zing khat cu nikhua a daituk ih khua a dur ruangah Diana in Dave cu a sawm thei lo. Diana cu amahte lawngin a feh. Tili par ahcun amahte lawng a feh ih khuahlum dingin nitlang umnak hmun cu a dawi rero. Asinan nitlang umnak hmun a va thlen tinte khawdur a ra suak ih hmakhatte ah mero a pit cingcing. Nitlang dawi rero hi thulolak men le aat-hna a si ti a thei suak ih a baansan.           

Siangpahrang Solomon khal in thin diriamnak thlenpi thei lotu thil pawl a rak dawi rero ve dah (Thusimtu 2:1). Thusimtu 2:11 sungah nomnak, lungawinak, zuu, fimnak, inn, pangpar duum, paisa, thilri, awnmawi pawl a rak dawi rero. Asinan, a netnak ahcun “zianghman an si lo, thli dawi rero vek an si. Vanrang hnuai milai hrang ahhin thil tthahnem zianghman a um lo a si” (Thusimtu 2:11) a ti. Himi pawl dawi rero hi thulolak, ziang hman an si lo (1:2). Fimkhurzet in thunetnak a tuahmi cu: “Pathian ttihzah awla A Daan thlun aw. Pathian in milai a tuah sannak cu himi hrangah a si” (12:13) a ti.           

Solomon ih a rak dawi ttheumi vek na dawi ve pang maw? Zianghman a si lomi dawi rero a si. Tumtahnak le thindiriamnak cu Pathian theihnak le A thuthlunnak lawngin a ra.      – Anne Cetas 

Zianghman si lo nomnak dawi cu,

Lung a kim thei dah lo ding;

Asinan Jesuh a thluntu pawl cu,

Nun tlamtlinnak a hlawm ding.     – Sper 

   Pathian lawngin a kawlawngmi kan thinlung di a riamter thei.

(Visited 30 times, 1 visits today)

Comments

comments

Comments

%d bloggers like this: