Nitinte Tlan Ringring

August 15

Zarhte Ni

 

Nitinte Tlan Ringring

 

Siar:

1 Kor. 9:24-27

 

Tlan zuam awknak ah mi tampi an tel ttheu nain pakhat lawngin zuam man laksawng a ngah ti cu nan theih tthehmi a si. Curuangah zuam man ngah dingin tlan uh.     – 1 Kor. 9:24

 

Kumkhat Sung Baibal:

–   Saam 91-93

–   Rom 15:1-13

 

Pikes Peak Ascent cu pi 7515 a saang ih tlaangzim tlun tiang peng 13.22 tlan thei a si. Ka rualpi ttha Don Wallace cu cutawk ah vei (20) rori a tlan zo. Netabik a tlan ttum cu a kum 67 suah ni kim hlante zarh khat duh ah tlan tthehnak rin a lan thei. Tlan zuamnak hrangah training tuah loin pelhsolhnak ding thupi a um lo ahcun nikhat ah peng 6 in kum khat tluk a tlan. Cumi cu kum upa a si hnu ah tuni tiang a tuah ttheumi a si.

 

1 Korin bung 9 sungah Paul ih Khristian Nun hi tlan zuam awknak vek a si ti’n a ngan. Kumkhua nunnak sui lukhum ngah ding tumtahnak nei in daan neizet (discipline) in a tlan. Zumtu pawl khal nitin cuti ih tlan ve dingin a forh. “Zuam man laksawng ngah dingin tlan uh” a ti (c.24).

 

Cang 25 ah laksawng ngah a duhtu leh zuamnak ih a teltu pawl in anmah le anmah uk awk thei dingin an tuah ringring thu a sim. Leknak ih a teltu pawl hrang ahcun caan kim zikte lawng ih timtuah awk hnakin ahlankhan ihsin daan neizet in tlaitluan timtuah cia ringring hi man a nei sawn.

 

Kannih khal kan hmai ih a ummi tlan zuam awknak ah taimak suah in Pathian lungawiter ding tumtahnak thawn tlan uhsi! (Heb. 12:1).

 

Hmun hlapi tiang thlen suah theinak tawhfung cu nitinte pelh lo ih tlan hi a si.

 

Pathian zaangfahnak lam pan in tlan uhsi!

Na mit meng awla, A mit-hmai hawl aw;

Kan hmai ih a ummi a lamzin ah,

Khrih cu lamzin le laksawng a si.

 

Khristian tlan zuam awknak cu

pumpeknak le daan neihnak khi a si.

(Visited 20 times, 1 visits today)

Comments

comments

Comments

%d bloggers like this: