Nitin mi (6) lenglo hmel theihlo Delhi ah thi

New Delhi/TOI 16 March 2009

Tui kan dung naite ahkhan CT nitin thuthang cun New Delhi, India  ram a rapthlak zia pawl a ngan zo ih cumi ih thupibik ih a nganmi cu nitin nauhak  a malbik (6) an hlo ti thu a si.

Tuizing 16 March 2009 thuthangca khalah maksak zet a ngan sal. Cucu, nitin hmin theihlo mi, ming sinak ID khal nei lo, hmuihmel khal langtha lo (6) lenglo an um thu a ngan lala. Palit le zingzawitu pawl cun hivek ih hmel theihlomi le ID khal neilo mi tampi an thihhlo theunak sanbik an thei lo.

Zumnak an neihmi cu Delhi ih cenglo hmun dang khawte ih ra, mirethei le harsa pawl an si an zum. Mipi thansonak hrangih hnatuantu pawl cun Delhi vialah mi 1.5 lakh lenglo harsa, inn nei lo ih kum tin an thihhlo thu a ngan. Harsa rethei hrangih puan le thuamhnaw zemmi cun mi 5% fang lawng a daih fawn tin mipi pawl in an daihlo thu an sim.

Thuthang la khawmtu pawl cun nitin mi tampi rawl lo ih a thi an tam sinsin thu an sim. Hmin neilo/hmin theih silo, hmel theihlo, ID khal nei lo thi an pung sinsin. Kan dung 2006 ah mi 2,092 an um. Cun 2007 ah mi 2,230 an um ih nikum 2008 ah mi 2,174 an si. Tuikum 2009 ah mi (6) lenglo an thi hlo zo tin thuthang in a ngan.

 

(Visited 54 times, 1 visits today)

Comments

comments

Comments

%d bloggers like this: