Ninghang Mi pawl Ziangti’n Kan Bawm Ding

October 20

Tlawngkai Nihnih

 

Ninghang Mi pawl Ziangti’n Kan Bawm Ding

 

Siar:

1 Korin 13

 

Atu ahcun a hmun ringringmi thil pathum an um ih zumnak, ruahsannak le duhdawtnak an si; himi lakah a tumbikmi cu duhdawtnak a si.       -1 Korin. 13:13

 

Kumkhat Sung Baibal:

–   Isaiah 59-61

–   2 Thessalon 3

 

Harsatnak tuartu pawl “Zo in an lo bawm? ti ih ka sut hngai tikah Baibal tlawng ih Ph.D ngahtu le thuruat thiam mifim pawl hmin an saal dah lo. Thin naa mi pawl bawm theinak thazaang hi mikip in kan nei cio.

    

Harsatnak tuartu bawm dingah mi tlingbik ti a um thei lo. Harsatnak tongtu pawl hnenah feh hnik aw, mihrek cu aipuang tein an bawm na’n mi riah an siater sin. Midang cun mi thinhennak tuahtu ti’n an ruat. Mihrek cun lailanzet ih biak an duh, a dang cun an tuar thei lo.

    

Ninghang lungsia mi hrangah mitkher bang ih damternak a um lo. Cu pawl in duhdawtnak an ttul, duhdawtnak cun an ttulmi a theih sak. Jean Vanier timi mi bang lo pawl tuamhlawmnak dintu pa in, “Natnak le harsatnak ruang ih ninghang riahsia mi pawl ih an dilmi le an hawlmi thil pakhat te cu: anmah a duhdawttu le an hrangah pumpetu, an hrangah ruahsannak thawn a khatmi ruahsannak petu thinlung lawng hi a si,” a ti.

           

Cuvek duhdawtnak cu kan hrangah a harzet men ding. Asinain duhdawtnak taktak, tirhthlah Paul ih in theihtermi cu, “Duhdawtnak cu a bei a dong dah lo, ziangkim a zum, ziangkim a beisei ih ziangkim a tuar thei” (1Kor. 13:7)  ti a si.

           

Pathian cun harsatnak tuartu pawl damternak dingah vei tampi cu mi menmen pawl ih nunnak a hmang ttheu. Harsatnak a tuartu pawl in kan fimnak le kan thiamnak an ttulbik lo, an ttulmi cu duhdawtnak lawng a si.

 

Unau, na unau na thinlung hlawm aw!

Zaangfahnak hmun ah Pathian ih daihnak a um;

Khat le khat duhdawt cu biaknak dik a si,

Mit-hmai pan hi hla a si, tthatnak tuah hi thlacam a si.

 

Duhdawtnak a langter lotu cu mi a duhdawt ngaingai lo. – Shakespear

(Visited 26 times, 1 visits today)

Comments

comments

Comments

%d bloggers like this: