Nilar Myint “We Got Talent” ih 1st runner up le CT suhtonnak


CT :: Na hmin, na suahnak khua, na nu le na pa hmin, unau paziat nan si ti pawl in sim thei pei maw?
NLM: : Aw, Kei hi Ka Paa Falam ka Nu Kachin a si ruangah hmin 2 ka nei. Ka lai hmin cu Ngun Nei Par a siih ka Nuu lamih in pek mi ka hmin cu Nilar Myint a si.

CT: : Singapore ah kum ziat na um?
NLM: : Singapore ah kum 3 ka um nak a si

CT :: Ziangmi tumtahnak thawn himi zuamawknak na tel?
NLM: : Ka telnak san tiih tumtah pi ciamco khal ka nei hranlo. Hlasah hi Pathian hnenih ka talent dawn mi a si vekin hivek in hivek Ramdang ih zuamawknak hmun a um ti ka theiih beiseinak tumpi thawn ka tel ve siko.,himi tel thei dingih ziangkim in tawlrel saktu hi U Engte a si

CT :: Audition na feh thokin final thleng dingin nangmah le nangmah zumawknak na nei maw?
NLM: : Ka nei ko, Pathian hnen khalah nasa takin ka hlanaw ih Pathian in ka thlacamnak vekin hlawhtlunnak in pe. Ziangkim hi Pathian ruangah si. Keimah lam cun zianghman thiamnak ka neilo

CT :: Ziangtik caanah hla na practice țheu? Khuitawk ah?
NLM: : In theihvek in mi Inn ih um kan siih a har nasa. Intek um lo caan tete ah ziang caan ti umlo in ka man pohcun ka sak rero siko.

CT :: Hla na sak dingmi hi nangmahte maw na hril? Hril bawmtu na nei maw?
NLM: : Keimah khal in ka theitawk in ka hawl veih, cun ka DL pa le ka U Kil Te ih advice in peknak thawn in ka hrilsuak mi ansi.

CT :: Tu na hnațuannak inn ah ziangtluk rei hna na țuan? Ziangmibik na țuan?
NLM: : Ka thlen ihsin tu ni tiang siko. Tuanmi cu a tul2 tuan kha siko. Ziang hnabik ti um cuanglo.

CT: :  Na inntek tei’ in teh zuamawknak na tel thu an thei maw?
NLM: :  Keimah khalin ka simtheih himi zawnah ka InnTek tei parah ka lungawi zet. Siang zetih tel theinak caantha in pek ih hleiah tongkam in siseh, thlacamnak in, cun final tla ra tel thei an tumzet nan an buai deuhih an ra man leh salo, Phone thawn a phun2 in thazang in pe.

CT: :  Himi zuamawknak na tel sungih har na ti bikmi ziang a si? Cumi harsatnak ziangtin na palsuak?
NLM: : A har ka timi lakih pakhat cu mi Inn ih um kan siih HLA PRACTISE caan ka neihlo hi si. Duh vekih au le thilrem a silo. Hla kan sahlonak le a rei. Cuvek dinhmun ih Zuamawknak ih vawntel mai cu thilhar zet pakhat si.

CT: : 1st runner up tiin na hmin an ron kawh fangih na feeling in sim thei pei maw?
NLM: : Kaa ih simthiam rual ding silo khawpin ka lungawi. Kanni vek mi rethei te Hivek Ram picang pakhat Hla zuamawk nakih 1st runner up kan vawn ngah ve cu simthiam lo khop in ka lungawi. Pathian ruangah sawnsi.

CT :: Ziangtik hrawngin hla na rak sak thok?
NLM: : Kum 4 hrawng ka siin Sunday school tivek ah Solo ka rak sak thok.

CT: : Si na duhmi na sunmang ziang a si?
NLM: : Hlasah hi Pathian ih in pekmi Talent a sivek in, ka nauhak lai ihsin tuisun nitiang  Hlasak Thiam mi pakhat si hi ka tumtah mi si.

CT: : Neta ah hlasak zuamawknak um sehla na tel pei maw?
NLM: : Tel theinak caantha ka ngah a si ahcun tel thei vivo ka tum ko.

CT: : Kan thusuhnak kimcangten in let ruangah kan lungawi.
NLM: : Keitla ka lungawi.

Comments

comments

Comments

%d bloggers like this: