Nigeria Ramah Muslim Leh Kristian An Buai

US Ah Minung Pariat Kapthat

Washington Post Thuthangca in a tarlang nakah United State,  Virginia State ih Appomattor khua ah mi pakhat Christopher Speight kum 39 micun Inn pakhat sungah minung 8 a kapthat tiah a tarlng. Palik pawlin an simnakah minung 7 ruangcu a kahnak Inn ah hmuh an siih, minung 1 cu siizung panpi a si hnu ah siizungah a thi tiah a tarlang. Palik bawipa Sergent Thomas in a sim nakah hi misual pahi hramlak ah a tlanhlo ih Palik leh National Guard Helicopter thawn dawi rero lai a siih kaihsuak an zum thu a sim. Hi misualpa hin Palik pawlih Helicopter zuanglai a kahsak ih Helicopter tidai bawn a kahkuai sak ruangah Palik pawlih Helicopter khal Emergency in hmun dangah a ttum. Hi misual,pahin ziangruangah hiti vekin thil a ti ticu theihfiang nak a um hrihlo Palik pawlin an dawi rero lai, A mithah mi pawl lakah a nupi leh a fapa khal an tel.

Nigeria Ramah Muslim Leh Kristian An Buai

https://i1.wp.com/pewresearch.org/assets/publications/435-6.jpg?resize=300%2C200Tihni sunih si Nigeria ramih Muslim leh Kristian buainak ruangih minung thicu 193 an kimzo. Hi an buainak hi Muslim pawlin Kristian pawlih Biakinn fehlai an tibuai ruangah a siih, minung umnak Inn ziangmaw zat leh Kristian Biak Inn ziangmawzat khal urkang a si tiah State Police Commissioner, Grey Ayating cun a sim. Information and Communication Commissioner Gregory Yenlong in a sim nakah himi buainak ruangah mipi vangtlang minung 50,000 lenglo in an Inn leh lo an suahsanih, Himi buainak ruangah minung 35 kaih an si tiah a simih, Nigeria ramih bawmnak hnattuan tu Red Cross pawlin minung 50,000 an kilkhawi laithu khal an sim. Himi buainak in sosan lam a pan vivo lo nakdingah ram dangdang pawlcun Nigeria Cozah cu ttanla dingin an nawr rero lai. Nigeria ramah hin minung Million 150 hrawng an umih an ram saklam hi Muslim sakhua bia tamnak hmun a siih, an ram thlanglam ah Kristian an tam ve thung. Nigeria ram Cozah dinhmun khalah Muslim leh Kristian karlak ah buainak hi a suak deuh ringringih, kum 2008 November thla ih an ram hrilawk nak khalah Muslim Party pakhat All Nigeria Peoples Party(ANPP) pawlih  Chritian People Democratic Party pawl an nehlo ruangah buainak a raksuak zoih, khami ttumah minung 100 lenglo an rak thizo.

Haiti Ram Dinhmun

Haiti ram Linghnin tuar mipi pawlih harsat nak cu theihtawp suahin  UN  leh ram dangdang pawlin ngaihtuah rero lai a siih,  US ralkap pawlin ti leh rawl Vanzam ih an thlak ciamco ruangah mipi  tamsawn rilrawng tuk leh mangbang tuk pawlkhal an zia um deuh vivo.ih, ruang laksuah leh thil ttul dang phunphun khal ttuan rero lai a si. US in Haiti mipi hrangih  thil a thlak ciamco ruangah Venezuela President, Hugo Chevz cun  US in Haiti mipi pawl hnenih bawmnak a thlak ciamco micu a kut hnuai ih Haiti umter leh palbet a duh ruangah a siih,  Haiti ram linghnin ih mipi harsat nak cu tikcu remcvangah a rakla tiah a ti.

(Visited 46 times, 1 visits today)

Comments

comments

Comments

%d bloggers like this: