Nigeria Ram Christmas Ah Thihnak Thawn

Caleb L Ci Luai

Nigeria_Christmas_attack_295ABUJA, NIGERIA ( Worthy News ) : Kan dung zarh ihsin Nigeria Christian pawl cun, tui kum Christmas ah thihnak umlo in, him tak ih Christmas hman asi theinak dingah ti in leitlun ih um zumtu zate hnen ah thlacamnak ngennak an rak nei. Tuikum ah himdamten an hmang ngah ko ding ti ih an ruah lai ah, Christmas hmuahzan, December 24 zan ah Christian pawl cun thihnak an tuar.

Cumi zan ah kawhhran tamtak cun khawmnak an hmang ngamlo ih, khawmnak neih asinak hmun ah cun Boko Haram pawl cun siatsuahnak le thihnak an thlen lala. Perianear ih ummi Evangelical Church of West Africa ah, Muslim misual pawl cun meithal thawn khawmawknak ah lut in pastor le an lak ih mi 5 pawl cu a hmun ah an kap that hngal asi. Cun, an biakinn cu meisa thawn an urkang theh.

The African Free Press cun, zinglam ah ruak 6 sar asi thu a tarlang. Cun, Maiduguri ih First Baptist Church khal ah cumi zan thotho ah misual pawl cun thihnak an thlen ve. Khawmawknak ah lut in an meithal thawn kawhhran upa pakhat le khawmtu mi 5 pawl cu an kap that hai. Kum 2009 ihsin Boko haram pawl hin, Christmas tikcu can ah Christian pawl hi an that duh cuang ih, Christmas cah ih an thah mi hi mi 100 tluk an ti thlang ih, a zate in Christian mi 3000 tluk in thihnak an tuar hai asi.

Comments

comments

Comments

%d bloggers like this: