Nigeria Ram Buainak Ah Mi Tamzet Thi

JOS , Nigeria ( Reuters ) : Nigeria ramsung ih Christian pawl hin thihnak tamtak an tuar zoimages ih, Muslim pawl ih kut tamzet an tuar. Asinan, cui thihnak pawl ruangah cun Christian pawl cun ziamlam panlo in, Pathian Thu ah an feh ih ankarh vivo. 27.3.2013 zanlam ah khan, Nigeria ramsung, North lam ih um Muslim pawl cun, Plateau state sung ih khua 2, Da Jak le Attakar ah fehin siatsuahnak an thlen sal. Hi khua hnih ah hin, Muslim pawl cun an hmuhmi mi an kap that ih, inn tamtak an nawkkang tiin thuthang ah an tarlang.

Cuti ih an tuahsiatnak ruangah mi 27 an thi ih, midang hliamhma pu khal an um thu theih asi. Khawsung mi pakhat Dung Sati cun, “Zan ah an ra ih khawsung ih an hmuhmi cu an that hluahhlo men. Inn tamtak an nawkkang ih, ka sungkua le rualpi tamtak thawn kan tlansuak thei. Mi 27 ruang pawl cu ka hmu ta” tiin Reuters thuthang ah asim. Khawsung mi thotho, Pam Samuel cu Reuters thuthang in phone thawn a bia ih, mithi 28 an si zo thu a rak sim. Ramsung thuneitu lam ihsin zianghman relsuahmi a um hrihlo nan, Palateau state legislator, Daniel Dem cun, mi tamtak an thi tiin asim.

(Visited 55 times, 1 visits today)

Comments

comments

Comments

%d bloggers like this: