Nigeria Ram Ah Biakinn Nawkkang

2008_Nigeria_Jos_ChurchCaleb L Ci Luai

Ilorin, Nigeria : Biakinn nawkkangnak, bomb puahnak le Christian thahnak tamnakbik asi ve mi Nigeria ram ah tuizarh sung ah Biakinn nawkkang a si lala. December 10, Tlawngkai Nikhat zinglam ah Ilorin ih The Living Faith Church Biakinn cu zo ti theihlo cun an nawkkang ih, a sung ih um thilri zianghman lakmi nei manlo in a zaten a kangral theh.

Hi Biakinn in kan dung thlahnih liam ih sak theh mi asi ih, hiti ih an nawkkang hngal mainak hi ziangruangah asi ding ti in thuthanglakhawmtu pawl cun Rev. Cornelius Fawenu (Christian Association of Nigeria ih Secretary tuan rero tu asi) cu thusuhnak an neih tik ah, “Biakinn kan saknak hmun  hi Muslim pawl ih ram asi ih, an ramsung ih Biakinn kan sak an duhlo asi bik mai” ti in asim.

Boko Haram pawl thawn pehawknak an nei maw ti ih suhnak cun, “Nigeria ramsung ih Christian pawl thattu cu anmah lawnglawng asi ko. Hi ramsung ih Muslim pawl cu hitawk hmun ah an finkhawm aw theh ko” ti in asim hai.

Comments

comments

Comments

%d bloggers like this: