Nigeria Christian Pawl Hrang Thuthangtha

li-nigeria-church-rtr343e0ABUJA ( Reuters ) : Nigeria ram ih President Goodluck Jonathan cu, khatlam party pawlin kum 2015 ih hrilawknak ih tel thei nawnlo dingin court ah an thlen. Ziangahtile, term 2 a tuan zo ruangah asi.

Asinan, court in a thuhla cu March 1 ah khan an relsak ih, “Jonathan cun 2015 hrilawknak ah a tel thei ding asi” tiin thutluknak an tuahsak. Hihi, harsatnak tamtak le thihnak tuar rero tu Nigeria Christian pawl hrangah thuthangtha pakhat cu asi. Ziangahtile, Jonathan hi Christian asi ih, Nigeria ramsung ah Christian pawl zalen theinak dingih tanla rero tu asi fawn.

Syria Ram Remdaihnak Lamzin Bi

GENEVA ( Reuters ) : United Nations Secretary – Ban Ki-moon cun, March 2 sun ah Geneva ah thusimnak a nei ih, “ Syria ramsung buainak rehnak ding cun, cozah le tapung pawl biakawknak an neih a tul. Asinan, biakawknak an neihnak ding lamzin le a harsa tuk ih, curuangah, Syria ram buainak reh ding cu a harsazet lai ding” tiin asim. Ban Ki-moon cun, Syria ram hrang ih UN aiawh ih hnatuantu Lakhdar Brahimi thawn thureltlangnak neih a duhthu khal a rel ih, a theih asi ah cun, ni reilote sungah thu an reltlang tum thu khal asim hngal.

(Visited 94 times, 1 visits today)

Comments

comments

Comments

%d bloggers like this: