Nigeria Ah Bomb Hmunthum Ah Puak Mi 47 Lenglo Thi

images (3)March 7, 2015

AFP – Nigeria ramih bomb pathum rori puak ruangah mi 47 lenglo in an thih phah zo ih hliam tuar mi 50 lenglo an um zo tiin AFP thuthang cun a tarlang.

A hmaisabiknak ih bomb puak pahnih hi Maiduguri khawpiih nga zuarnak hmun Baga market, ah a siih mi 40 lenglo in a hmun ah an nun an caan cih. A dang pakhat cu mawto cawlhkhawmnak hmun, mipi an tamnak hmun thotho ah a siih mi 12 hnakih tam in an nun an caan cih tiin BBC cun a tarlang ve.

A hmaisa ih bomb ti puak tu tiih an theih mi le an zum mi cu nunau nu a siih, taksa ih paimi, thihcih bomb thawn a puah aw tiah a kiang nai umtu pawl cun an sim. Himi thuhla tawlreltu pawl cu an ramsung ih mihel Boko Haram pawl an si.

Nigeria rampi presiden hrilnak le rorel inn pi thureltu ding pawl hrilnak khal Boko Haram mihel pawl do ding thu an puan ruangah zarh ruk rori caan pek bet in March 28 ah an thin sal.#

Comments

comments

Comments

%d bloggers like this: