Nick Vujicic Na Thei Dah Maw?

Nick Vujicic cu kut le ke neilo cingih Pathian thuthangṭha phuangtu le Bawipa ih ṭhatzia phuangtu a si. A mai nun ruangah leitlun mi tampi thlengawknak le Pathian duhdawtnak an cohlang.

Zianghman tuahthei ding ih an ruah lo mi a sinan, a tum ruhnak ruangah kutke kimlo si cingin ziangkim a tuah in a tham thei.

A natnak vek nei ih kum sau dam hi leitlun ah mi 7 lawng an um hrih laiih cumi lakah a mah tluk ih mi ropi an um lo. Hi natnak hi Tetra-amelia syndrome tiin an ko ih, an suah thlak ihsin kutke neilo in an um.

A suah thlak pekah a nu le pa hmanin an pomngamlo. Asinan A nulepa cun Pathian ih lairel a si tiih an pom thiam ruangah an enkol mi a si.

Tlawng phunsang a kai ih, Accounting le Finance a zir suak. Pathian upat mi le ṭihzahtu a siih thuthangṭha phuang in a taksa kimlonak ihsin mipi pawl thazaang a pe.

Kutke kimlo sicingin cabu 8 a ngan ih a cabu ngan hmaisabik mi “Life Without Limits: Inspiration of a Ridiculously Good Life” timi tla cu ṭong phun 10 lenglo in an let sawng ih leitlun ih cabu siar duhbik mi pakhat lakah a tel ban.

Nupi a nei thei ding tile fanau a nei ding tihi zohman in an zum lo. Asinan Pathian a rinsan ih a thinau in dung a sip ve men dahlo. Kum 2012 ah Kanae Miyahara thawn an nei aw ih tu ah fapa 2 le faphir nunau te December 20, 2017 ah an nei.#

(Visited 142 times, 2 visits today)

Comments

comments

Comments

%d bloggers like this: