Niagara Falls Tlaser Pi Ah Dawp Thla

March 12th,2009  

Niagara Falls Tlaser Pi Ah Dawp Thla  

 Mizan sunah Leilung tlunih Tlaser tumbik leh ropibik Canada leh USA ramri ih  Niagara falls tlaserpi ah minung pakhat a dawpthla ih. Mangbang thlakzetin. Thilo ten runsuah sal asi. Hi a dawpthlak nak hmunhi Canada ramlam ih  Horseshoe Falls ah asiih. Himi pa hi thih a duh hrimhrim ruangih dawp maw asi. harsat nak dang ruangih dawp asi tihi theih fiangnak a um hrihlo.   Hi tlaser Security hotu Lee Smith in a simnakah Tlaser hnuai tidai daizet Vurti vekih daimi sungah Minute 40 hrawng a umih cumi hnu ah runsuaksal asi tiah a sim. Security pakhat Todd Brunning cun  hipa runsuah tumin tidai feet 200 hrawng a leuh ih hipa hi a vung kaibetih a suahpi thei asi. hipa hi a rakcau zetzo ih an laksuah veten sizungah retcih asi, A hmin leh a khuahi relsuah asilo ih. Tidai sungah a hnipuan pawlkhal hi a rak hruh nawnlo ih a lawngten an vungdirsuak asi. Niagara Falls ih tla minung hi damih suak an malzetih himi pa cu mangbang thlakzetih nungdam ih runsuak asi.  
Pakistan Ram Cozah Buai Vivo  
Pakistan ram Politics buainak cun zia umlam hmelthar a nei thei cuang hrihlo ih  Prime Minister Yousuf Raza Gilani leh  Ralkap bawibik General Ashfaq Parvez Kayani, cun  buainak sosang sinsin khamdan ding  an tawlrel rero lai tiah  an ram Media pawlcun an nganlang. Pakistan ram Cozah politics buainak cu America Cozah khalin a ngaihven zetih President Barack Obama ih Cozah tharcun Pakistan ram cu Politics ih a buaituk asi ah cun Tapung Misual pawl do nakah a caklo pangdingti a phangzet.   Pakistan ram khawpi Islamabad ih US leh UK ram palai pawlkhalin  Pakistan Prime Minister  Yousuf Raza Gilani tawngin US leh UK ram Cozah  thinlung putdan khal an simzo. Pakistan ram buainak sanbik hi an ram Supreme Court in  Opposition party hotu Nawaz leh a naupa Shahbaz Sharif cu hril awknak ah cuh theinawnlo dingih thu an relsak ruangah leh President hlun Pervez Musharraf in Chief Justice  Iftikhar Muhammad Choudhury leh Judge dang mi ziangmaw zat a rakbanter mi pawl cu   tui Cozah tharin an hna a ttuanter salduhlo ruangah asi,   Pakistan Prime Minister Yousuf Raza Gilani cun himi buainak hi remdai dingin theitawk a suah lai rero ih. Ralkap pawlkhalin Prime Minister Yousuf Raza Gilani ih remdaih nak lamzin a hawlmi cu an  Support thu an sim.   Himi lai ah an President Asif Ali Zardari cu a khualtlawn nak Iran khawpi Teheran ihsin Pakistan ram a thlengsal zo ih. Opposition Pary PML-N hruaitu Nawaz Sharif thawn an buai tengteng ding tiah zum asi. Opposition Party hotu Nawaz Sharif cun  Lawyers pawlthawi lungawilo nak langter nakdingih lamzin zawh an tumnak cu  An ngam asi ah cun Cozah lamin in tibuai haiseh tiah hro a suangve, Hi lamzin an zawh ding mihi Cozah lamin ziangtlukin kham khal haisehla ziangvek dinhmun tiang thlengding khalin an nagmthu an sim. Hi pawlhin tuithla ni 16 hmai tlawngkai nikhat ah  Karachi Bar ihsin Sindh High Court lampan in lamzin an zawh dingih. Cumi hnuah an ram khawpibik Isalamabad lampan in an feh vivo ding asi.   Interior Minister Rehman Malik cun  lungawilo pawlcu tilungawi nakding lamzin hawlih  Cozah  lam leh Opposition hotu pawl telih  Parliamentary Committe dinding in National Assembly Speaker a ngenzo.  Opposition Party pawlleh Lawyers pawlcun  Islamabad khawpiih tawnkhawm awk khal an tum asi.  
India Ram Politics DinHmun  
India ram  Member Of Parliament Lok Sabha hril awknak dingah Party tinkim in  mahle insang hlum hman luah manlo ih Compaign ah an buai vutvo ih. Party dangdang kawm awih ttuantlang thei danding phunphun an hawl buai rero thluh asi. Cumi laiah  Party tumbik leh dodar aw bik Congress leh BJP tello. Third Front timi Party dangdang kawmkhawm awcu tuisunah Karnataka ih Tumkur, ah dinsuah asi. Hi Third Front cun Congrees leh BJP cu  mipi vangtlang harsat nak ngaih saklo leh mipi ttulmi thil zianghman tuahsak duhlo ah a puh.   CMP General Secretary,  Prakash Karat, cun  Third Front cu mipi duhzawng leh ttulmi ngai pawimawh ih  biaknak sakhua thleidan awknak umlo ih India ram mipi rualrem tei umtlan theinakding tuahtu dingih dinmi asi tiah asim. Hi Thrid Front dinmi ah hin  CPI hruaitu A B Bardhan, TDP hotu N, Chandrababu Naidu, leh Prime Minister hlun  JD(S) hotu H,D, Dave Gowda, khal an tel. Cui tlunah BSP ai awh in  Satish Mishra, AIADMK ai awh in Vmaitreyan khal a tel.  TRS Forward Bloc RSP leh Bhajan lala ih hruaimi Haryana Janahith Party ai awh khal an tel.   BJD Party , Orrissa Chief minister Naveen Patnaik khalin  Third Front ih telve a duhthu a simve tiah an sim. Hi Third Front ih  AIADMK hotu nu Jayalalithaa a tello cu a langsar zetih  ziangruangah a tello ticu a rellang hrihlo ih. an Party ai awh in AIADMK Parliamentary in an Party hruaitu V Maitheriyan an thla asi

Comments

comments

Comments

%d bloggers like this: