Ni Menmen

March 24

Tlawngkai Nihnih

 Ni Menmen

 Siar:Luka 2:8-20

Bawipa ih vancungmi pakhat cu an hnenah a lang ih Bawipa ih sunlawinak cu an parah a rung tleu. An ttih ngaingai.         -Luka 2:9

Kumkhat Sung Baibal:   Joshua 16-18   Luka 2:1-24

Cangan thiam Anita Brechbill in God’s Revivalist magazine sungah, “Bawipa ih Ttongkam hi vei tambik cu kan nitin hnattuanlai ah kan thinlung ah hna a ttuan ttheu,” tiah a ngan. Tahtthimnak ih a simmi cu: Zakharias cu a hnattuan kel puithiam hna a ttuanlai ah, le tuukhal pawl an tuu an khalhlai ah, Pathian Ttongkam an hnenah a ra thleng, ti’n.

Cuih thu cu Luke in hiti’n a sim: “Zakharias cu Pathian hmai ah nitin a ttuanmi  puithiam hnattuan a ttuanlai ah….Vancungmi pakhat a rung lang (1:8,11). Tuukhal pawl cu an tuu kil in an um….Bawipa ih vancungmi pakhat cu an hnenah a lang ih Bawipa ih sunlawinak cu an parah a rung tleu (2:8-9).

Oswald Chambers in My Utmost for His Highest timi a cabu sungah, “Jesuh cu a ra ding ti’n kan rinnak hmun ah a ra malzet. Kan rin lonakbik hmun le a cang thei lomi thuhla ah a ra ttheu. Hnattuantu pakhat in Pathian hnenah rin tlak mi a si theinak ding cu rin lopi in Bawiipa a hnenah a ra leennak ding hrangah raalring teih um ding lawng a si,” tiah a ti.

Ttha te’n a awkam ngai ih a thuthlun ding kan tiar awk ahcun kan hnattuanlai ni menmen ah Bawipa ih thazaang peknak ttongkam, lamhruainak, thuzirhnak kan  ngah men ding.

                                                                                   Tusun Pathian hrangah ziangso ka tuah?

Veiziat so cawl tahrat in thla ka cam?

Cu tivek in Amah tong in ka rian ding,

Nunnak cu ni menmen an si.

 Pathian cu A hmaika ih daite’n a umtu pawl hnenah a ttong

(Visited 17 times, 1 visits today)

Comments

comments

Comments

%d bloggers like this: