Ni Khatkhat Ah

January 20

Zarhpi Ni

 

Ni Khatkhat Ah

 

Bible Siar Ding: Efesa 1:3-14

 

Ziang hmuahhmuah hi Pathian Amah ih tumtahmi le ruah ciami vekin a kim ttheh. Khrih thawn kan pehzom awknak thawngin a minung si dingah Pathian in in hril zo; cumi cu Amah ih tumtahmi a si iha hramthok ihsin a rak khaukhih ciami a si.

–         Efesa 1:11

 

Ni khatkhat ah. Himi ttongkam ih umtu daan hi ttha te’n ruat hnik. Ni khatkhat ah, Keimah in … Ni khatkhat ah kanmah in … Ni khatkhat ah Pathian in … tivek pawl hi!

Ni khatkhat ah, ziangtinkim Khrih sungah a famkim thluh ding. Ni khatkhat ah A ra kir saal dingih a sersiammi zate – lei le van – a ra uk thluh ding. Ni khatkhat ah kan zate’n Pathian hmai ah kumkhua in kan um ding.

Sikhalsehla, Paul in kan rocomi thu a ngan tikah a liam cia (past tense) ttongfang a hmang. A ro kan co zo. Cumi cu hmailam caan ih a ra canglai dingmi a bang, asinan Paul in cumi cu a cang zomi thil vekin a ngan. Paul in thinglamtah parih Khrih ih a ttheh zomi thu ih a rinngamnak ruangah kan rocomi cu a si tengteng timi cungcang ah zianghman rinhlelhnak a nei lo. Paul ih thinlung sungah cumi cu a rak cang zo. Pathian Thu ah zianghman rinhlelh ding a um lo, ziangahtile Pathian in Thlarau Thianghlim in pek ih pakhat cio in a famkimnak co dingin caan ttha kan nei thluh.

Kan zate’n a sunglawimi hmailam caan hrangah cuan theinak caan ttha kan nei. Raalring te’n um aw, ziangahtile ni khatkhat ah a ra thleng ding.

 

Vancung ih ka Pa, ka roco dingmi a hmun ruangah ka lungawi. Zohman in in long thei nawn lo ding timi parih hngatsan thei dingin in bawm aw.

Ka kiangkap thil ziangmi in Khrih sungih ka co dingmi in rinhlelhter? Tuni ah Paul ih thuzirhmi in ziangmi in bawm thei?

 

@Ava Pennington

Comments

comments

Comments

%d bloggers like this: