Ni Ih kum; Ni Hi Ziang A Cang Lai Ding?

Ni
By? Mercy Tial
Ni ih kum hi a rei bik ah million(10000)a si. A tu ah Ni hi kum million(5000) tluk a rei zo. A mai kum ih hrekkhat tluk lawng a taang thlang. Tui hnu kum million 3000 a silole 4000 sungah Ni hi tu hnakin a tleu/a sa ding ih,tuhnakin let-sawmnga a thang/tum vivo ding. Tikpaan fimnak ih hmuhsuah daan vek a si ahcun tuisan hi Ni ih san that laifang caan cu a si. Phundang in kan sim a sile Ni in a tha neih mi hmuah2 a suah can le a tleunak khal nasa zetih a suah laifang caan a si.

Ni hi tuihlan ahcun minung pawlin kumkhua ih a hmun ding mi ah an rak ruat. A sianan sersiam mi a si ve ruangah nikhat2 ahcun a siat ve leh ding ti cu tikpaan fimnak ih hmuhsuakmi lawng si lo in, Bailal khalin fiangte in in sim. Cun Ni hi arsi phunkhat men fang a rak ti hi an hmu suak thlang.

Ni hi a mah ah a um mi Hydrogen an alh ciamco ruangah a tleunak le a satnak pawl tampi a suah ih, cu theh in arsi sen(red giant) timi ah a cang leh ding. Baibal sungih Ni a thim leh ding timi kha a takin a thleng ding. Cuih can a thleng ding mi cu leilungpi hrangah rapthlakza thil a thlen can a si ding. Hi can a thlen ding mi hi tikpaan mifim pawlih an zingzoi nak ihsin an hmuhsuak daan vek a si ahcun tui hnu kum million 5000 ahcun Ni sungih um mi Hydrogen daat pawl an cem ding. Cun Ni hi tu hnakin let za in a tuum dingih leilungpi khal a alh dingih,a netnak ahcun Ni in leilungpi hi a dolh ding. Cutin a netnak ah Ni cu a vaar mi arsi tiih kawh a si ding. Hih can a thlen tik ahcun leitlun ih a nung mi hmuah2 a cem ral theh ding. Hihi Ni ih a cem nak le boruakpi khal ih a cem net nak cu a si ding.

(Visited 383 times, 1 visits today)

Comments

comments

Comments

%d bloggers like this: