Ni 40 Sung Cabu Siar Țheh Hnu ah Mi 15 Tihnimnak La

Falam Christian Fellowship Singapore (FCFs) biakkhawmnak lam hohatnak ih tuahmi ni 40 sung cabu siar tlangnak cu July 9, colhni sunah onnak an nei ih August 20, colhni sunah kharnak an nei. Cabu siar tlang țheh kharnak tuah ni ah mi 15 in tihnimnak an lak thu theih a si.

FCFS ih tuikum sung thuken “A thuknak Lamah” timi a si vekin mipi zaten Pathian thu ah thuksin ke kar theinak ding ruahsannak thawn himi Ni 40 sung “Tumtahnak Ih Fehpimi Nunnak” Rev. Run Cung Mang ih lehlinmi siar tlangnak an neih thu, himi hrang hrimhrim ah cabu Singapore hrangah bu 350 namsuak a si thu le mi 140 kiangkap in pelh loin nitin an siarsuak thu pawl theih a si.

Himi siar tlangnak ah a buur țhen a si ih buur khat ah mi 8, 9, 10 tiin buur 27 an um. Mitampi in hlawknak an ngah thu, thazang an ngah thu pawl khal buur hruaitu lam pawl hnen in theih a si. Himi cabu siar țheh densen in tihnimnak neih a si ih mi 15 in August 20, 2017 sunah East Cost Park Tiva pi ah tihnimnak an la. Rev. Stephen Khaw Nei Khuai in tihnimnak a pe.

#Tuițum hi kum 20 a simi FCFS in tihnimnak a pek a vei 6nak a si.

(Visited 77 times, 1 visits today)

Comments

comments

Comments

%d bloggers like this: