Ni (40) rawl ul tum pawl in buainak tawng

CT/ 01-02-09: Kan ram a thatnak dingah tin mithen in ram hrang hna an tuan, mi then in sandahpiah/ lamzawhnak an nei. Mi then leh cun biaknak lam zawngin tin thlacamnak in tan an rak la. Atu ah Chin raltlan New Delhi, India ram ih khawsa  zumtu thenkhat pawl cu ni (40) sung rawl ul thlacamnak nei in caan an hmang rero lai.

Delhi ih kawhhran member dangdang sung ihsin thlacam nun a nei deuh pawl cu Chin Believer Church (C.B.C) biakinn ah pung aw khawm in, ni (40) sung rawl ul thlacamnak nei ih caan an hmang rero laiah biakinn neitu Kalapa cun Hallelujah an au ring tuk ruangah a rang theibikih biakinn an saanmi inn  suahsan lohli ding in thu a pek hai.

“Thla kan cam ih hallelujah tin vei (7) kan au ih mithli thawn thla kan cam ih kan au tikah inn neitu le a veng pawl cun in tuarlo ih pastor pakhat ih thu a sim rero laiah inn neitu pabik cu a ra lutih a rang theibikih suak dingin thu in pek cu tin nasa zetin kan lem aw” tin thlacam hruaitu Sung Sung Nu cun a sim.

“Atu ah kan thlacamnak ni (25) a kim zo thlacam kan pung deuh deuh fawn ih hivek ih harsatnak kan tawng hi cu a pawi ko” tin an lakih tlangval kum (25) mi Sangte cun a rel bet. Hi thlacam pawl hin a hleice in kan ram thatnak dingah thlacamnak an nei.

Thu dawn netnak vek a si le, hallelujah ringpi au nawnlo dingin le ringpi thla cam nawn lo dingin inn neitu pa cun a rel ih thawmvang a naa a si le nan zaten nan suak cih ding tin inn neitu pa cun a sim.

(Visited 63 times, 1 visits today)

Comments

comments

2 Comments

  1. Cui inn neitu Kalapa cu a mah riangri piangthar sehla a tha zet ding.

  2. Dear.Zumtu Unau ttha,
    Nan thuhla ka hmuh veten ka mitthli a tla.Pathian in nan thlacam nak a ngaiding.ih kan ram a dam thlangding.Zumtu nun cu dotu um tik ah, Kan lam ah Pathian a tthang.dotu nan neih hi hlawhtlin nak asi.
    SNi Luai

Leave a Reply to Pathuam Cancel reply

%d bloggers like this: