Nganmi Ttong

February 1

Tlawngkai Nikhat

Nganmi Ttong

Siar:

Rom 15:4-13

Ca Thianghlim ih in simmi thinsaunak le thinlung cahnak thawngin ruahsannak kan neihnak dingah Ca Thianghlim sungih ngan ciami hmuahhmuah cu kanmah thuzirhnak hrangah an si.    -Rom 15:4

Kumkhat Sung Baibal:

–    Suahlannak 27-28

–   Matthai 21:1-22

Kan dung January ah ESPN TV in Indianapolis Colt team ih bawlung lehnak ah a tthabik lektu ti ih hmin pekmi Peyton Manning ih thu cu ESPN television sungin mipi thinlung hiipzetmi thu an than. Asinan bawlung leknak thuhlalam a si lo. Amah thawn caan reipi bawlung lek zuam aw ih lek tlang mi pawl NFL ihsin an cawlh tikah an thiamnak le thiltitheinak le an thinlungput, an ziaza ttha a upat hngainak thu pawl a kut rori in ca a ngan ih a kuat hngaimi thu a si.

Cuih cakuat ngahtu pawl thusuhnak an tuah tikah an lekpi lakih a thiambik le hminthangbik in ca in kuat, tiah an lungawithu an sim. Himi hi kut ih nganmi ca ih huham neih daan in theihtermi a si.

Peyton Manning ih kutngan ca cu a ngahtu pawl hrangih a man a khunzet vekin Ca Thianghlim sungih Pathian Ttongkam nganmi cu minung ttongkam thawn tahtthim ding rual loin a man a khung. Paul in, “Ca Thianghlim ih in simmi thinsaunak le thinlung cahnak thawngin ruahsannak kan neihnak dingah Ca Thianghlim sungih nganmi hmuahhmuah cu kanmah thuzirhnak hrangah an si,” a ti (Rom 15:4). Bible in, Pathian in kan hrangah ziang a duh ih ziang siter in duh, timi kan bulpak ciar hnenah thu in sim. ‘Zumnak nei dingah’ kut ih nganmi Amah ih Ttongkam in pek.

Lungawinak thawn Pathian nganmi ca siar in kan nunnak thlengh awk uhsi!

Bible kai ttha aw, hih lungvaar mankhung in,

Milai a ruun, kumkhua nunnak a pek;

A mankhun zia, milai ih tah thei baan lo,

A thluasuah hawl, ka nunnak caan um sungah.

Thinlung takih a ngaitu pawl hnenah Pathian in Bible in a ttong.

(Visited 29 times, 1 visits today)

Comments

comments

Comments

%d bloggers like this: