Ngamaan Sii

Ngamaan Sii

Siar:

Hebru 12:1-11

Kan fehnak lamzin ah in dawntu le in khamtu thil pawl kha hlon in,
in ttawn hremtu kan sualnak thilrit cu tlansan tahrat in
kan hmai ih a ummi tlaan zuamnak ah taimak in tlan uhsi! – Hebru 12:1

Kumkhat Sung Baibal:

Hebru 10-13

Thufim 10:1-11

Ngamaan “sii” timi na thei dah maw? Ngamaan ih keu lonak ding sii a si lo. A taktak ahcun tonic inmobility timi ramsa pawl caang thei loin an um caan te, a sim duhnak a si. Ngamaan khi zapathal in ret tikah an caang thei lo. Minit 15 hrawng hnu ah an caang thei saal.
Ruat hnik, ttihnungza Ngamaan khi linglet ih ret men ruangah tuahmawh theih in a um. Thazeng natnak in ngamaan cu caang thei loin a umter.
Sualnak khal cuvek a si. Khrih sung ihsin kan Bawipa upatnak pe dingih in sersiam mi kan si nain, sualnak huham in caang thei lo ko in tuah thei. Hebrew cangantu in raalringzet ih um ding in duhsak. Kannih khal hitluk ih a tammi thu theitu pawl in mero bangin in kulh ruangah kan fehnak lamzin ah in dawnkhamtu thil pawl kha hlon in, in ttawnhremtu kan sualnak thilrit cu tlansan tahrat in, kan hmailam ih a ummi tlan zuamnak ah taimak suah in tlan uhsi! (Hebru 12:1).

Khristian Nun tlan zuamnak cu hmualneizet in feh kan duh asile kan tha zengtertu sualnak cu kan hlon hmaisa a ttul. Amah lungawitertu ding in dawnkhamtu sualnak kan hlon a ttul, tuih ni ihsin thok in.

Tuih ni tlaan zuam awknak tuante’n thok aw,

Khristian pawl in neh dingih an simmi;

Bawipa hngak hmaisa awla, cahnak a lo pe ding,

Cun na theihmi sualnak hmuah2 hlon aw.

Kan dunglam ih kan hlonta hlanah kansualnak cu tthate’n thei uhsi!

(Visited 30 times, 1 visits today)

Comments

comments

Comments

%d bloggers like this: