Ngaidam, Hngilh Si loin

September 8
Zarhte Ni

Ngaidam, Hngilh Si loin

Bible Siar Ding: Hebru 10:10-18

An sualnak le an siatnak pawl cu ka ciing nawn lo ding. – Hebru 10:17

Pathian cu thu hngilh hmangzetmi pupi (grandfather) vek maw? asillole ziangtik hman ih thu hngilh ti nei dah lomi vui (elephant) vek so a si?

Kan sualnak thawn pehpar aw cun Pathian cu ziangtik hman ih thu hngilh hmang lomi vui vek a si. Bible sungah, hngilhsannak (forgetting) a simi cu thu ciingkeng nawn lo (not remembering) thawn a bang aw cekci lo. Pathian in sualnak kan tuahmi pawl a hngilh a ti lo. Pathian cu pu ih pusin (grand grand father) vekin thluaklam ciinkennak a cak nawn lomi a si lo. Kan biakmi kan Pathian cun tlaksammi zianghman a nei lo, A thu ciinken theinak (memory) tel in. Pathian in kan sualnak in ngaidam tikah Amah hi thil hngilh hmang a si ruangah a si lo. Bible in Amah in kan sualnak cu a hminsin nawn lo (does not remember) a ti a si.

Hih danglamnak cu a cehleizet, ziangahtile Bible in Pathian thu a sim tinte’n mi pakhat maw asilole thilri pakhatkhat a ciinken ringring thu a sim, ih Anih cu minung pawl vekin lungmol le hngilh hmang a si lo. Cuhnak sawn in, Pathian in a ciing ringring timi in Pathian cu a cangvai ding timi hminsinnak (signal) a si sawn. Sualnak a ciinken tikah, thu a tthen ding. Kan sualnak pawl ka ciing nawn lo a ti tikah, kan sualnak in ngaidam ih kan parah raalsannak le phuba laaknak a um nawn lo ding tinak a langter. Amah in kan sual man leiba cu A Fapa neihsun Jesuh ih thiisen sunglawi in in kuan sak zo.

Kan sualnak pawl hmuahhmuah cu kumkhua daih in in ngaidam zo ih kan sual khumnak cazin a um nawn lo, Pathian in a hminsin nawn lo, timi thutak theih cu ziangtluk in so a nom. Cumi ai ah Pathian in ziangtik hman ih a thlengh aw dah lo dingmi thuhri sahcatnak a tuah zo. Ziangtik hmanah in dodal nawn lo ding.

Thianghlim Bawipa, Khrih sungih a famkimmi le a tharthawh thei nawn lomi sual ngaidamnak Na langtermi parah lungawithu ka lo sim.

Pathian in kan sualnak a ciing nawn lo timi thutak ka theih fiangnak in
In ngaidamnak ka hmuh daan ziangti’n a danglamter?

@Pennington

(Visited 28 times, 1 visits today)

Comments

comments

Comments

%d bloggers like this: