Nga Hawlnak Sal Ihsin Kawlram Mi Pawl Runsuak

Tlawngkai nithum sun ah Thai Department of Special Investigation (DSI) pawl ih hohanak in Bangkok khawpi kiang Chonburi ramthen ih Tambon Saem San tikulh ah nga hawlnak lawng pahnih kaih an si vek in cu tawk lawng ih a hramhram in hna an tuan ter mi Kawlram mi hleikhat pawl khal cu run suah cih an si.

Labor Rights Protection Network (LPN) ih palai pakhat cun “DSI hnatuan tu pawl ih Mon mi pathum an kai. Cui Mon pawl cun  Kawlram mi minung 11 pawl cu lei in an lawng ah hna an tuan ter ih ni khat nazi 20 an tuan mi ah Thai baht 30 (US $1) lawng pek an si,” ti in a sim. “An kaih mi pathum lak ah mi pakhat cu kum 15 mi hrawng asi. Sal vek ih

sawr a tuar tu pakhat in DSI theihternak phone a koh ve te’n cui lawng cu va siim a si,” ti in a sim bet.

Kawlram mi kaih a tuartu minung 11 pawl cun thla sarih sung sal vek in in sawr zo ti in an sim. An nih pawl cu Mae Sot ih puai-sa hnen ihsin Mae Sot lamzin in Thai-Kawlram ramri kan tu an si ih Mon miphun pawl hnen ah ap an si. Cun Mon pawl cun nga kai tu ding ah an rak hmang. Mae Sot ih puai-sa in nga kaih mi pawl tuah thatu ding hnatuan asi ti in a sim ih lawng thawi ngakai tu ding ti ih a rak sim lo ruangah an ra mi asi ti in LPN ih palai cun a sim. Hnatuan neitu cun mi pakhat ah baht 8,000 in puai-sa hnen ih a rak lei mi an si.

Cui minung 11 pawl cu Chonburi ih kilhim mi inn ah ret an si ih thuneitu pawl in hliakhlainak an neih theh hnu ah Thai-Kawlram ramri ah kuat kir an si sal ding thu LNP palai in a sim bet. (Irrawaddy, June 14).

(Visited 103 times, 1 visits today)

Comments

comments

One Comment

  1. lungawi um si,dam ten hmu suak le run suah thei an si cu.
    puaisa ral rin a tul tih hngilh hlah uh si.

Comments

%d bloggers like this: