NEWGRANGE

December 19

Nipi Ni

Newgrange

Siar:

Rom 5:12-21

Adam ih sual ruangah thihnak in mi a uk thlang. Pathian zaangfahnak tlamtling a ngahtu le amah thawn rem awknak laksawng a cotu hmuahhmuah cu Khrih thawngin an nun sungah nehtu an si ding.    – Rom 5:17

Kumkhat Sung Baibal:

–   Johan 1-4

–   Thuphuan 10

Newgrance timi cu Ireland ih kum 5,000 a rei zomi ruakvuinak thlaan innpi a si. A nasazetmi hih inn cu Ireland ram Boyne Valley ih Lo hnattuantu pawl in acre khat lenglo a kaumi hmuan ah an sak. Hih hmun hi thihnak thu ah a buaimi pawl fehnak hmun a si. A hmin thannakbik cu kum khat sungih ni tawibik ni a simi December 19-23 tiang nikhat ah minit 17 sung inn sungah nika tleu a um. Mihrek in thihnak nehtu nunnak ih huham hminsinnak a si an ti.

Hrial theih loin minung ih ton dingmi le ttihbikmi cu thihnak hi a si (Seem. 3). Paul in, “Adam ih sual ruangah thihnak in mi a uk thlang ti cu thungai a si. Sikhalsehla Jesuh Khrih ih a tuahmi thawngin ziangtluk tthatnak tumsin so a umter! Pathian zaangfahnak tlamtling a ngahtu le amah thawn rem awknak laksawng a cotu hmuahhmuah cu Khrih thawngin an nun sungah nehtu an si ding,” (Rom 5:17) tiah a ngan.

Eden hmuan ah hmaisabik kan nu le pa in an sual vete in sualnak le thihnak in a uk cih. Khrih ruangah ruahsan hnangamnak kan nei, thihnak le a hnu thlun thil cang dingmi ttih ding kan ttul nawn lo. Khrih ih thih a nehnak nun in kumkhua nunnak in pe zo.

Amah na cohlang zo maw?   – Bill Crowder

Nehnak hrangih lungawinak cu Pathian in co seh,

Thlaan cu ttih a nung nawn lo;

Jesuh thihnak le A thawh saalnak ihsin,

Amah in kan raal hmuahhmuah a neh zo.   – Spittal

Khrih ih thlaan kawlawng cu                                                                                 thihnak kan neh theinak amahkhan a si.

Comments

comments

Comments

%d bloggers like this: