New York Ah X’mas Pu Kawrfual Thawn Tlanzuamaw

Mifarah harsa pawl bomnak hrang tumtah in New York City ih Knavesmire ah mi zatel in tlanzuamawknak ah an nei. A teltu hmuahhmuah in X’mas Pu, Santa Claus kor cu an sin thluh. Tlanzuamawknak a tuahtu cu British Heart Foundation ih Santa Jog pawl an si. Tlanzuamawknak cu phunhnih in an ṭhen ih cu pawl cu nauhak le innsungsang zate ih tel theihmi km 2 tlanzuamawknak le upa pitling lawngih tel theihmi km 5 tlanzuamawknak pawl an si.

Angie Goldsmith khalin a fanu Lucy, kum 7, te thawn km 2 zuamawknak ah an tel ih, a fanu in hnipuan kor mawibik ah pakhatnak a ngah. Archbishop of York’s Junior School ihsin team 30 lai an suak thei. Sara Harbord khalin tlawngta nauhak tete pawl hrang group a ṭhensak ih a fapa, Sophie, kum16, le Luke kum10, pawl a telter ve. Cun Nicky Nolan khalin a fale Ellie, kum9, le Liam, kum5, pawl thawn an tel ve.

Sara in, “Hi tlanzuamawknak hi a ropituk ih nomnak a suahpi. Tlawngta nauhak le upa ṭhen loin an tel thei ih a mawituk. Cun X’mas Pu kor kan hrukmi hrimhrim in lungawinak a suahpi,” ti’n a sim.

Nauhak kum10 te Luke khalin, “A daituk ko  nan Santa Claus kor pi in mi a hlumter. A hlum tikah tlan a ol ih, kan nom in kan lungawi ngaingai,” ti’n a sim ve.

Nauhak kum9 mi Ellie khalin, “Himi zuamawknak ah ka tel ih, hmailam ah zuam vivo dingin zuam duhnak thinlung ka nei sinsin,” ti’n a sim ve. Ellie cu nauhak tlanzuamawknak dang pawlah a tel ṭheu ih atu ih ta hi a veiruk a telnak a si.

Comments

comments

Comments

%d bloggers like this: