New Year Sun Ah, Angola Ram Khawmpi Ah Mi 13 Thi

kaffash20130102140611487LUANDA / ABIDJAN , ANGOLA ( Worthy News ) : January 1, 2013 hmuahnak ah, Angola ram khawpi Luanda ih Cidadela Desportiva Studium ah, Universal Church of The Kingdom of God  ih tawlrelnak in Pathian thusimnak a um. Cutawk ih teltu ding in mi 70,000 tluk ruahmannak an naei.

Asinan, a tikcu a hungkim ngaingai cun an zumhnak in mi an tam ih, stadium sung ah le mi an tleng nawn silo. Cutin luhnak sangka kiangkap ih mi tamtuk pah aw le engaw karlak ah mi 13  cu a hmun ah an thihngal ih, mi 120 tluk hliamhma tuar in sizung ah an ret hai thu theih asi.

Ziangruangah cuvek in thihnak a thleng thei ti thusuhnak cu tuanvo neitu lak ih pakhat asi ve mi Faustino Sebastio cun, “Luhnak sangka 4 ong ding in kan timtuah ih, 2 lawng kan ong man ti ah mipi tamtuk lut cun an pahaw ih, mi karlak ah tlu in mitamtuk an par ih an feh ruangah an nunnak in a daih hailo asi. Hivek a cang cu poi kanti zet” ti in thusuhnak cu a let. An ram president Jose Eduardo dos Santos cun, “Vansiatnak a tuartu insang, sungkua le rualpi zate hnen ah, ram president dinhmun in ka tuarpinak ka langter asi” ti in cumi zanlam ah asim.

(Visited 40 times, 1 visits today)

Comments

comments

Comments

%d bloggers like this: