New Delhi Chin Raltlan Pawl Sivai Thawn Bawm

Tuini May 27, 2010 ah kan Chinmi SaSa ih hohanak in Delhi ih sibawi thiamsang (7) pawlin DBCF biakinn ah damlopawl zohnak le sivaipeknak an nei.

Zaan lam nazi 6:00 ihsin damlo zohnak an thawk. Nauhakte ihsin pitarputar tiang zohnak neih a si. Damlo ih sibawi tawngtu mi (200) lenglo an si.

Nauhak tamsawn cu pumnaa, awmnaa, rawl-ei hiarlo lawnglawng an si.

Sibawipawl cun refugee nauhak tamsawn in rawl thitha an ei lo tiah an theisuak ih rawl tha le hanghnah hangrah ei ding ah le thingthei tampi ei ding ah an sim.

Nupinu le pitarpawl cu thanaa, awmnaa, pumpi-naa le luzing tivekpawl hi an tambik. An damlonak simsaktu ding ah Delhi ih zirsang tlawngtapawl an thlang khawm.

Chin tong a phunphun Mirang tong ih letsawngtu pawl cu:

  1. Tv. Uk Lian
  2. Tv. Lal Lian Bik
  3. Tv. Van Bawi Thawng
  4. Fl. Rosaline Tial
  5. Fl. Khan Lian Ting
  6. Fl. Judith Van Lal Hnem
  7. Fl. Siang Men Thluai
  8. Fl. Lal Run Mawi, pawl hi an si.

Hivekih sivaisemsuahnak hi zarh khat veikhat nei ding ah hotupawl in an rel cat bet. Sibawipawlin Chin refugee ei in tha lo an ei ruang ih damlonak a phunphun an tuarmipawl an hmuh tikah an zangfak zet.

A hmun ih a va fehvetu kan palai ih simdaan vek asile, damlopawl cu an mithmai ah a lang nasa tiah a sim. Nauhak damlo bezia zetzet an tampi thu kan palai cun in sim bet.

Comments

comments

3 Comments

  1. Hih ni ahhin Biakinn neitu DBCF member tam sawn cu hmuh ngah loin thinnau in an tlung saal…

    Dr. Sa Sa ih kuttang hmin list laktu pawl cun anmah lam deuh lawng usa an pek tiin an rel celcel…

    Neh hnu ahcun hitivek cu Biakinn ih ti ding cu kei cun ka duh lo nasa…

    Kan Pathian a thinheng ahcun Buakinn neitu DBCF in kan tuar pang ding.

  2. STTluanga Tuallawt says:

    Dear, All

    A va lungawi um ve. Delhi ih kan Chin mi dam lo harsatnak tampi cu a zia um phah ko ding tin ka zum. Cu len, a hoha tu bik Sasa tla hi pic ah rawn lan tir thei uh la a duh um zet ko ding .,
    ..

  3. kei cu a tu nan tuah mi cu ka lugn kim tuk a si.
    DBCF ih kan tuah ruang ah DBCF in a tuar nak ding cu ka hmu lo.
    ziang ah ti le midam lo tuam hlawm hi thil tha si.
    Jesuh hman in mi dam lo a ti dam a si lo maw?

Comments

%d bloggers like this: