New Delhi Nuamnak

New Delhi nuamnak


Tum tak nak tam pi thawn New Delhi kan ra
Nazii tampi siar in ni rei pi ka ra suak
Mang bang za motor kan to nak kan lung a thi.
New Delhi kan ra thleng ih kan lung a awi em em
New Delhi lawng awi nak  1…
Ruah san nak sang pi thawn UN kan dil (try)
Saduhthat in kan Case kan tawl rel
Thinphang nak thawn interview kan tuah
Lawng awi zet in UN (Miharsa) si nak kan ngah
New Delhi lawng awi nak 2 …
lungawi diriam thei lo SA kan dil sal
SA in kan ngah mi farah si nak in
Nitin Pumkhapkhat hrang ti rawl kan lei
Deih thei lo kan tuan can melte in lung awi ter
New Delhi lungawi nak pa 3 …
Duh thusam tlamtling ding ah embassy kan lut
lungsia nak thawn result kan hngak sal
kan tum ram ram 3 nak khi beisei nak in
kan feh suak maw kan thawpi hmuah suah in
New Delhi lungawi nak pa 4 …
TT
================================================
Ziang Ti Tha

Tlangdang ah nuam nak na hmuh cun maw
Duh thu sam in hril thei nak na nei ko si
Dunglet ih zohsal lo ding ah cun feh ko law

Na tap tik ah ka hmitthli tla cu na mu ve ko
Na hnih can ah cun in sim tei hram aw maw
Cu ti cun ka hrang ah a tawk tuk ko ee

Hmuh thei lo mi na hrang ka tumtah nak hi
Cung khuanu thawn thurawn phah in maw
Parcan a thlen ni hngak in nitla ka siar theu

Hngilh ni um lo  na ankaa thlumte in tan mi
Ka lo duh nemten ka hna ih in sim mi aw te
Ka zan mang ah maw cang men ko law

TT

Comments

comments

2 Comments

Comments

%d bloggers like this: